Sierra de Aracena
Sierra de Aracena norde de la provinco de Onubo kaj okcidente de la regiono Andaluzio en Hispanio
La Sierra, Sierra de Aracena aŭ Sierra de Onubo estas komarko hispana situa en la nordo de la provinco de Huelva, en Andaluzio. Ĝi situas okcidente de Sierra Morena. Karakteras pro montararbara pejzaĝo, abunda pluvo kompare kun najbaraj regionoj, milda klimato, naturaj vidindaĵoj kaj grava kultura heredaĵo. La plej tipa produktado estas brutobredado de porko en malferma arbaro de anzinoj kaj aliaj kverkoj kaj ties produktaĵoj.
Ĝi enhavas la municipojn de Alájar, Almonaster la Real, Aracena, Aroche, Arroyomolinos de León, Cala, Cañaveral de León, Castaño del Robledo, Corteconcepción, Cortegana, Cortelazor, Cumbres de Enmedio, Cumbres de San Bartolomé, Cumbres Mayores, Encinasola, Fuenteheridos, Galaroza, Higuera de la Sierra, Hinojales, Jabugo, La Nava, Linares de la Sierra, Los Marines, Puerto Moral, Rosal de la Frontera, Santa Ana la Real, Santa Olalla de Cala, Valdelarco kaj Zufre.
Ĝi limas oriente kun la provinco de provinco de Sevilla, sude kun la komarkoj de la Mineja Zono kaj Andévalo, okcidente kun Portugalio kaj norde kun Ekstremaduro.
Ene de la komarko de la Sierra de Aracena situas la Natura Parko de Sierra de Aracena kaj Picos de Aroche kun interesa faŭno kiel lutro, vulturoj, nigra cikonio ktp.
Vidu ankaŭ |
Aliaj komarkoj de la provinco de Onubo estas la jenaj:
- Andévalo
- Graflando
- Okcidenta Marbordo (Onubo)
- Mineja Zono (Onubo)
- Urba komarko de Onubo
Eksteraj ligiloj |
- Natura Parko de Sierra de Aracena kaj Picos de Aroche
- Rura turismo en la Sierra de Aracena kaj Picos de Aroche
Vidu ankaŭ |
- Listo de la municipoj de la provinco de Onubo
| ||||||||
| ||||||
