Tibor Déry
Tibor DÉRY [dEri], hungare Déry Tibor estis hungara verkisto.
Memortabulo pri Tibor Déry en Budapeŝto
Li naskiĝis la 18-an de oktobro 1894 en Budapeŝto. Li mortis la 18-an de aŭgusto 1977 en Budapeŝto.
Enhavo
1 Biografio
2 Verkoj (elekto)
3 En Esperanto aperis
4 Fontoj
Biografio |
Li naskiĝis en burĝa familio, li finlernis la komercistan akademion, poste lernis lingvon en St. Gallen. Li debutis, kiel verkisto en 1917 kaj li verkis ankaŭ novelojn kaj poemojn, kelkaj el ili aperis en Nyugat. Post la 1-a mondmilito li aliĝis al komunistoj. En 1920 li edziĝis kaj poste ili migris al Vieno, poste al aliaj urboj. En 1926 li verkis avangardan romanon Az óriáscsecsemő (La grandega bebo) en Perugia. Poste li hejmenvenis kaj eksedziĝis. En 1934 li partoprenis en ribelo en Vieno. Post la 2-a mondmilito li denove edziĝis kaj denove aliĝis al komunistoj. Liaj verkoj ofte aperis, la teatroj prezentis liajn dramojn. En 1955 li jam triafoje estis edzo. En la sekva jaro li estis apoganto de la revolucio, tial li estis kondamnita por 9 jaroj, sed li ricevis amnestion en 1961. Post 2 jaroj liaj noveloj jam estis legeblaj. En 1948 li ricevis premion Kossuth, post jardekoj oni fondis premion Déry.
Verkoj (elekto) |
Lia 1917
A befejezetlen mondat (La nefinita frazo), 1947
Tükör (Spegulo), teatraĵo, 1947
Itthon (Hejme), 1948
Ló meg az öregasszony (Ĉevalo kaj la maljunulino), 1955
Szerelem, (baldaŭe oni faris el tio sukcesan filmon) 1956
Képzelt riport egy amerikai pop-fesztiválról (Imagita riporto pri usona festivalo) (baldaŭe oni faris el tio sukcesan [muzikan teatraĵon) 1971
En Esperanto aperis |
- Tradukita en Esperanto aperis 2 verketoj en Hungara Antologio, 1983
Fontoj |
- Hungara Vikipedio
