Ahmadou Ahidjo
Ahmadou Ahidjo | |
 Ahidjo dum vizito en Usono | |
1-a Prezidanto de Kameruno | |
En funkcio: 1960 – 6-a de novembro 1982 | |
| Sekvanto | Paul Biya |
|---|---|
1-a Ĉefministro de Kameruno | |
En funkcio: 1960 – 15-a de majo 1960 | |
| Antaŭulo | Charles Assalé |
| Naskiĝo | 24-a de aŭgusto 1924 en Garoua |
| Morto | 30-a de novembro 1989 en Dakaro (Senegalio) |
| Edz(in)o | Germaine Ahidjo |
| Religio | Islamo |
Ahmadou Babatoura AHIDJO (n. la 24-an de aŭgusto 1924 - m. la 30-an de novembro 1989) estis la unua prezidanto de Kameruno de 1960 ĝis 1982. Li naskiĝis en Garoua, sufiĉe grava riverhaveno ĉe la rivero Benue, en norda Kameruno. Lia patro estis membro de la fulba tribo.
Post la aŭtonomiĝo de Kameruno en la 1950-aj jaroj, li sukcese faligis la registaron de André-Marie Mbida kaj fariĝis prezidanto per baloto en majo 1960. Malgraŭ malkonsento de la Partio de Kamerunaj Demokratoj, li en 1966 fondis la Nacian Kamerunan Unuiĝon, kiu fariĝis la unika politika partio de la lando. Ahidjo pligrandigis la centrigan potencon de la prezidanto per referendumo en 1972.
Li neatendite rezignis sian postenon la 4-an de novembro 1982, oficiale pro malsano. Post malsukcesa puĉo en 1984, li estis mortkondamnita en 1985 kaj ekziliĝis al Senegalio, kie li mortis en 1989.
