Kdjykuj

Salomon Kornfeld
Personaj informoj
Naskonomo	Salomon Kornfeld
Naskiĝo	1-an de julio 1896 (1896-07-01)
Morto	1-an de januaro 1943 (1943-01-01) (46-jara) en Natzweiler-Struthof concentration camp
Profesio	esperantisto, verkisto
Lingvoj	Esperanto
v • d • r

Salomon Kornfeld en uniformo dum la unua mondmilito, 1915

Kornfeld (la unua dekstre) kiel delegito al la 24a Kongreso de Paco, 1922

Salomon (Salo) KORNFELD, ps. Grenkamp (naskiĝis la 1-an de julio 1896, estis mortigita en la nazia koncentrejo de Natzweiler-Struthof en 1943) estis pola esperantisto kaj publicisto, portempe en Parizo, kaj kunredaktoro de Plena Vortaro de Esperanto (PV, 1930, 1934).

Kornfeld estis kunlaboranto de polaj kaj francaj gazetoj. De 1914 li estis esperantisto. Li unue elpaŝis per kursoj, prelegoj, deklamoj ktp. en diversaj urboj de la t. n. Malgranda Polujo. En 1918 li eldonis la ĵurnalon Esperantista Voĉo en Krakovo kaj ekde tiu tempo li fariĝis ankaŭ Esperanto-eldonisto.

Grenkamp estis unu el la unuaj aplikantoj de Esperanto en la radio-sfero. Dum la Internacia Radio Kongreso en Parizo li reprezentis Polujon kaj akceptigis favoran rezolucion al Esperanto. Dum pluraj Universalaj Kongresoj li gajnis laŭdon pri deklamado kaj oratorado.

Verkoj |

• 
  Krioj de l' koro (poemoj), Penseroj (kompilitaj citaĵoj), Kuzeto (1925, trad. komedieto de Michał Bałucki),


• 
  Vortoj de Profesoro Th. Cart (1927);


• 
  Kompleta Gramatiko kaj Vortfarado de Esperanto (1930, kompletigo de verko de Paul Fruictier);


• 
  Plena Vortaro de Esperanto (kunredaktoro, 1-a eld. 1930);


• Lernolibro por poloj;


• 
  5.000.000 (originalaj noveloj, 1931);


• 
  Vivo de Cart (1932),


• 
  Pol-Pomeranio (trad. de la politika verko de Casimir Smogorzewski, 1932);


• 
  Pola Folkloro kaj Popolkanto (1933). Pri l' Moderna Arto (1933).


• Oficiala vortaro de Esperanto (1937)

El lia verkaro la plej signifaj estas la lingvistikaj kaj publicistaj verkoj kaj certe la Plena Vortaro.

Bibliografio |

• 
  1949: Laurat, Lucien. Memoraĵoj pri Grenkamp-Kornfeld. En: Franca Esperantisto, 17-a jaro, 1949, n-ro 101 (1), p. 3,6

Eksteraj ligiloj |

• Paĝo ĉe Originala Literaturo en Esperanto
  


• "La pereintoj in memoriam" fare de Jean Amouroux


• 
  Libroj de kaj pri Salomon Kornfeld en la Kolekto por Planlingvoj kaj Esperanto-Muzeo
  


• 
  Artikoloj de kaj pri Salomon Kornfeld en Elektronika Bibliografio de Esperantaj Artikoloj (EBEA) (serĉu kaj je "kornfeld" kaj je "grenkamp")

Ĉi tiu artikolo baziĝas (parte aŭ tute) sur artikolo el la Enciklopedio de Esperanto. La originala teksto kontroleblas en interreta arkivo de la fonto.