Lena Karpunina
Lena Karpunina | |
|---|---|
 Lena Karpunina | |
| Personaj informoj | |
Naskiĝo | 1963 en  Kaluga, Rusio |
Morto | 4-a de novembro 2013[1] en  Berlin, Germanio |
Nacieco | rusino |
Ŝtataneco | Rusio |
Alma mater | Taĝika Teknika Universitato Muhamed Osimi • Humboldt-Universitato en Berlino |
Profesio | verkisto, esperantisto |
Lingvoj | rusa lingvo, Esperanto |
| Esperanto | |
Verkis en Esperanto |
|
Esperantistiĝis en | 1988 |
Lena KARPUNINA (naskiĝis en 1963 en Kaluga, Sovetunio, mortis la 4-an de novembro 2013[1] en Berlino, Germanio), estis rusdevena Esperanto-verkistino el Taĝikio (tiuepoke en Sovetunio), kiu plenkreskiĝis en ties ĉefurbo Duŝanbeo kaj poste translokiĝis al Germanio. De 2010 ĝis sia morto, ŝi estis membro de la Akademio de Esperanto, elektita ĉefe pro siaj meritoj en la literatura kampo.[2]
Enhavo
1 Vivo
2 Literatura verkado
3 Literaturaj premioj
4 Referencoj
5 Rete konsulteblaj verkoj
6 Eksteraj ligiloj
Vivo |
Post diplomitiĝo ĉe Taĝika Ŝtata Politeknika Instituto en 1986 ŝi laboris en diversaj entreprenoj kiel inĝeniero-aŭtomobilisto. En 1988 ŝi lernis Esperanton. Ŝi multe vojaĝis al Esperanto-tendaroj, renkontiĝoj, kongresoj. De 1993 ŝi vivis en Berlino, kie ŝi depost 1997 studis interalie la germanan lingvistikon en Humboldt-Universitato.
Literatura verkado |
Karpunina aperigis du librojn en Esperanto: la rakontaron "La Bato" en 2001 kaj la rakontaron "Neokazinta Amo" en 2007. Ambaŭ aperis en la Serio Stafeto. Multaj el ŝiaj rakontoj estis premiitaj en Belartaj Konkursoj de UEA kaj publikigitaj en diversaj Esperanto-revuoj. Ŝi kunlaboris kun la Esperanto-revuoj Monato, "REGO" kaj kelkaj aliaj. Ŝi estis membro de EVA kaj kontribuis al BA1 kaj BA3.
Literaturaj premioj |
| jaro | kategorio | premio | verko |
| 1997 | Prozo | 3-a premio | Jaŝa |
| 1998 | Prozo | Honora Mencio | Miŝka Voropajev |
| 1998 | Prozo | Honora Mencio | Bela |
| 1999 | Prozo | 3-a premio | La ridinda letero |
| 2001 | Prozo | 2-a premio | La pluvo en Ĉenstoĥovo |
| 2001 | Prozo | 3-a premio | La demando de emancipiĝo |
| 2001 | Prozo | Honora Mencio | Mirt |
| 2002 | Prozo | 2-a premio | Pro savo de homo |
Referencoj |
- ↑ 1,01,1Artikolo pri ŝia forpaso en "Libera folio"
↑ Oficiala Informo de la Akademio n-ro 23 de 2013-11-06.
Rete konsulteblaj verkoj |
En granda urbo (Novelo aperinta en Monato)
La amnestipeto (Novelo premiita en Belartaj Konkursoj de UEA 2012)
Eksteraj ligiloj |
- Nekrologo en La balta ondo
- Akireblaj verkoj de Lena Karpunina
