Kdjykuj

John C. Wells
John C. Wells en la UK 1991
Personaj informoj
Naskiĝo	11-an de marto 1939 (1939-03-11) (79-jara) en Bootle
Ŝtataneco	Unuiĝinta Reĝlando
Alma mater	Universitato de Londono • Trinity College • St John's School, Leatherhead
Profesio	lingvisto, esperantisto, esperantologo, instruisto
Lingvoj	Esperanto, angla lingvo
v • d • r

John C. Wells dum UK 2008

John Christopher WELLS [ĝon KRIS-to-fe ŭelz] (naskiĝis la 11-an de marto 1939 en Bootle, vilaĝo en Lancashire) estas brita esperantisto, vortaristo kaj emerita profesoro pri fonetiko ĉe la Universitato de Londono.

Persona vivo |

Wells estas filo de sudafrikdevena patro kaj angla patrino. Li studis lingvojn kaj aŭtodidakte usonstilan stenografion. Li lernis i.a. la kimran. En 2006 li emeritiĝis.

Esperanto |

Wells lernis Esperanton 16-jaraĝe, en 1956. Li estis estrarano de UEA de 1971 ĝis 1974 kaj prezidanto de UEA de 1989 ĝis 1995, aktuale li estas membro de Honora Patrona Komitato. Wells estis sekretario de Internacia Fonetika Asocio kaj redaktoro de ties revuo. Gvidis Esperanto-Asocion de Britio, la Londonan Esperanto-klubon kaj Ligon de Samseksamaj Geesperantistoj. Wells instruis Esperanton ĉe la Ŝtata Universitato de San-Francisko kaj partoprenis en la kurso de Esperanto Pasporto al la tuta mondo.

De 2007 ĝis 2013 li estis prezidanto de la Akademio de Esperanto.

Verkoj (elektitaj) |

• Vortaro English Esperanto English Dictionary, Mondial, 2010.


• Vortaro Teach Yourself Esperanto Dictionary ("Mem-lerna Esperanto-vortaro"), 1968,


• 
  The E. U. P. concise Esperanto and English dictionary. Londono 1969 (lasta represo: 18a en 1999)


• 
  Lingvistikaj Aspektoj de Esperanto, 1978


• 
  Accents of English ("Akĉentoj de la angla")


• Jen nia mondo


• 
  Geiriadur Esperanto / kimra vortaro, Londono, 1985

Eksteraj ligiloj |

Trovu « John C. Wells » inter la Vizaĝoj de homoj rilataj al la ideo «Internacia Lingvo»

Kategorio John C. Wells en la Vikimedia Komunejo (Multrimedaj datumoj) John C. Wells en la Vikicitaro (Kolekto de citaĵoj)

• Persona retpaĝaro de John Wells


• 
  Vortaro-blogo de John Wells: Diskutado de problemoj leviĝantaj dum la reviziado de la vortaro Concise Esperanto and English Dictionary.


• 
  Libroj de kaj pri John Wells en la Kolekto por Planlingvoj kaj Esperantomuzeo
  


• 
  Artikoloj de kaj pri John Wells en Elektronika Bibliografio de Esperantaj Artikoloj (EBEA)


• 
  Hiperteksto kaj la Tut-Tera Teksaĵo (el Retarkivo 2005) en Internacia Kongresa Universitato de 82-a UK 1997
  

Ĉi tiu artikolo ankoraŭ estas ĝermo pri esperantisto. Helpu al Vikipedio plilongigi ĝin. Se jam ekzistas alilingva samtema artikolo pli disvolvita, traduku kaj aldonu el ĝi (menciante la fonton).