Rusia Esperantista Unio
Rusia Esperantista Unio (REU) estas esperantista organizaĵo en Rusio, landa asocio de UEA. Ĝi estis fondita en 1991 por daŭrigo de agado de la tut-sovetunia organizaĵo Sovetrespublikara Esperantista Unio, aperinta en 1989; REU nomas sin "spirita kaj jura heredanto" de ankaŭ la samnoma tutsovetia organizaĵo, kiu funkciis ĝis la 1930-aj jaroj[1].
Laŭ sia propra aserto, REU estas "libervola organizo, kiu celas helpi al aktivaj esperantistoj plivigligi kaj, laŭeble, kunordigi, per- kaj poresperantan agadon en Rusio"[1]. Laŭ statuto de REU, ĝiaj celoj estas[2]:
- popularigo kaj disvastigo de la lingvo Esperanto;
- plifirmigo de la paco, evoluigo de la internacia kunlaboro en ĉiuj sferoj de la homa agado helpe de la lingvo Esperanto.
La agadon de REU regulas ĝia Statuto (akceptita en 1991) kaj Ĝenerala regularo kun aldona informo (akceptita en 1999).
Enhavo
1 Membroj
2 Historio
3 Gvidorganoj
3.1 Listo de prezidantoj de REU
3.2 Estraroj
4 Agado de REU
4.1 Rusia Esperantista Kongreso
4.2 Rusiaj Esperanto-Tagoj
4.3 EoLA
4.4 Aliaj Esperanto-renkontiĝoj organizataj de REU
4.5 Interretaj projektoj
5 Eldonaĵoj de REU
5.1 Rusia Esperanto-Gazeto
5.2 REU-ekspres'
5.3 "Movado"
6 REJM
7 Vidu ankaŭ
8 Eksteraj ligiloj
9 Referencoj
Membroj |
Membro de REU rajtas fariĝi ajna homo ne malpli ol 18-jara[2] (interalie tiuj, kiuj ne parolas Esperanton[2] aŭ eksterlandanoj, kiuj "volas iel subteni esperantistan vivon en la lando"[1]). La solaj nepraj postuloj al membro de REU estas subteno de la Statuto kaj pagado de kotizo; eblas ankaŭ aliĝo de aliaj organizaĵoj.
Laŭ kotizregularo por 2018, individua kotizo por membreco en 2018 estas 250 rubloj (por eksterlandanoj - 20 eŭroj); kotizo por dumviva membreco - 20-oble pli; kolektiva kotizo - 250 rubloj por unu aliĝinta membro; por "amikoj de REU" - senpage.
En 2018 (por marto) REU konsistis el:
- 59 dumvivaj membroj;
- 1 mecenato;
- 34 individuaj membroj;
- 11 kolektivoj:
- EK "Arĝenta flamo" (Jekaterinburgo) - 6 membroj;
Krasnodara E-klubo - 14 membroj;
Krasnojarska esperantista klubo «KRESKO» - 5 membroj;
Moskva Esperanto-Asocio "MASI" - 5 membroj;
Murmanska Esperanto-Klubo "Murmano" - 5 membroj;- Esperanto-klubo Novoĉ-EK (Novoĉerkassk) - 5 membroj;
- EK "Kariljono" (Sankt-Peterburgo) - 8 membroj;
Tiĥvina Esperanto-klubo - 8 membroj;
Tjumena Esperanto-klubo "Revo" (Tjumeno) - 5 membroj- E-klubo "Pacifiko" (Vladivostok) - 6 membroj;
Volgograda EK "Espero" - 5 membroj.
Konsisto de REU laŭ jaroj: 2005, 2006, 2007, 2008, 2009, 2010, 2011, 2012, 2013, 2014.
Historio |
Dum la lastaj jaroj de Sovetunio en la lando agadis Sovetrespublikara Esperantista Unio (SEU, enfunkciis en 1989). Lige kun la disfalo de Sovetunio, la 10-a Kongreso de SEU la 28-an de decembro 1991 decidis transformi SEU al Rusia Esperantista Unio (REU).
En 1994 okazis unuiĝo de REU kaj Ruslanda Esperanto-Asocio (REA).
Gvidorganoj |
Laŭ Statuto de REU, ĝiaj gvidorganoj estas Konferenco de REU kaj Estraro de REU. La Konferenco estas kunvokata de la Estraro ne malpli ol unufoje en du jaroj; ĝi estas kvoruma, se ĝin ĉeestas pli ol duono de la elektitaj kaj anoncitaj delegitoj. Dum la konferenco okazas elektado de Estraro, korektado de la Statuto ktp[2].
Grigorij Arosev, prezidanto de REU en 2010-2013
Listo de prezidantoj de REU |
| Laborperiodo | Konferenco | Prezidanto |
|---|---|---|
1991–1992 | 10 | Viktor Aroloviĉ |
1992–1993 | 11 | |
1993–1994 | 12 | Andrej Ananjin (Grigorjevskij) |
1994–1995 | 13 | Nikolaj Gudskov |
1995–1997 | 14 | Aleksandr Korĵenkov |
1997–1999 | 15 | Abduraĥman Junusov |
1999–2000 | 16 | |
2000–2001 | 17 | Andrej Ananjin (Grigorjevskij) |
2001–2002 | 18 | Georgij Kokolija |
2002–2004 | 19 | Nikolaj Gudskov |
2004–2005 | 20 | |
2005–2006 | 21 | Andrej Grigorjevskij |
2006–2007 | 22 | |
2007–2009 | 23 | |
2009–2010 | 24 | Miĥail Ĉertilov |
2010–2011 | 25 | Grigorij Arosev |
2011–2013 | 26 | |
2013–2015 | 27 | Svetlana Smetanina |
2015–2017 | 28 | |
2017– | 29 |
Estraroj |
La Estraro de REU, elektita en 2010:
Grigorij Arosev (Moskvo), prezidanto
Svetlana Smetanina (Moskvo), vicprezidanto
Vladimir Bespalov (Soĉi)
Jurij Karcev (Uljanovsk)
Rafija Kudrjavceva (Jekaterinburg)
Darja Obrazcova (Sankt-Peterburgo)
La Estraro de REU, elektita en 2013[3]:
Svetlana Smetanina (Moskvo), prezidanto
Miĥail Ĉertilov, vicprezidanto
Valentin Seguru, vicprezidanto- Roman Bolŝakov
Nikolao Gudskov (Moskvo)
La Estraro de REU, elektita en 2015[4]:
Svetlana Smetanina (Moskvo), prezidanto
Nikolao Gudskov (Moskvo), vicprezidanto
Miĥail Ĉertilov (Liskovo-->Balaŝiĥa)
Valentin Melnikov (Moskvo)
Aleksandr Mitin (Niĵnij Novgorod)- Mikaelo Bronŝtejn (Tiĥvin), demisiis
La Estraro de REU, elektita en 2017
Svetlana Smetanina (Moskvo), prezidanto
Nikolao Gudskov (Moskvo), vicprezidanto
Miĥail Ĉertilov (Balaŝiĥa), forpasis 24.02.2018
Irina Gonĉarova (Odincovo)
Aleksandr Lebedev (Jegorjevsk)
Aleksandr Mitin (Niĵnij Novgorod)
Vladimir Opletajev (Surgut)
Agado de REU |
Rusia Esperantista Unio okupiĝas ĉefe pri organizado de esperantistaj renkontiĝoj kaj eldonagado. De REU estas organizataj Rusia Esperantista Kongreso (REK), Rusiaj Esperanto-Tagoj (RET) kaj multaj aliaj lokaj renkontiĝoj.
Atingoj de la lokaj aliĝintaj asocioj ankaŭ parte estas konsiderataj kiel rezultoj de REU-agado[5].
Rusia Esperantista Kongreso |
Rusia Esperantista Kongreso (REK) estas ĉefa aranĝo de REU. Ĝi estas organizata preskaŭ ĉiujare; enkadre de REK okazas Konferencoj de REU.
Laŭ la Kongresa regularo, "Rusia Esperantista Kongreso estas tradicia manifestacio de rusiaj esperantistoj. Ĝi celas fortigi ilian solidarecon kaj kunlaboron, progresigi Esperanton en la lando, interŝanĝi sperton de la agado inter la lokaj kaj fakaj organizoj kaj individuaj esperantistoj".
| REK | Jaro | Loko | Aliĝintoj |
|---|---|---|---|
| 10-a SEU/REK | decembro 1991 | Kolomna, Moskva provinco | |
| 11-a REK | 1992 | ||
| 12-a REK | 1993 | ||
| 13-a REK | 1994 | ||
| 14-a REK | 1995 | ||
| 15-a REK | 1996 | ||
| 16-a REK | februaro 1997 | Moskvo | 75 |
| 17-a REK | 1998 | ||
| 18-a REK | 1999 | ||
| 19-a REK | februaro 2000 | Ĉeboksari, Ĉuvaŝio | |
| 20-a REK | februaro 2001 | Serovo, Sankt-Peterburgo | |
| 21-a REK kun EoLA | decembro 2001 | Kostroma, Kostroma provinco | |
| 22-a REK | decembro 2002 | Puŝĉino, Moskva provinco | 47 |
| 23-a REK kun EoLA | februaro 2004 | Volgogrado, Volgograda provinco | |
| 24-a REK kun EoLA | aprilo 2005 | Jekaterinburg, Sverdlovska provinco | |
| 25-a REK kun EoLA | marto 2007 | Tiĥvin, Leningrada provinco | |
| 26-a REK | 27-a de majo 2010 - 31-a de majo 2010 | Sankt-Peterburgo | 239[6] |
| 27-a REK | 20-a de oktobro 2011 - 23-a de oktobro 2011 | Ĉeboksari, Ĉuvaŝio[7] |
Signo de la 11-a REK
Ŝildo de la 20-a REK
Ŝildo de la 21-a REK
Rusiaj Esperanto-Tagoj |
Rusiaj Esperanto-tagoj (RET) estas somera Esperanto-renkontiĝo, unu el ĉefaj aranĝoj de REU. Ĝi okazas post kiam OkSEJT ŝanĝis la koncepton, iĝis instrua kaj paroliga aranĝo speciale por komencantoj. La unua RET okazis en 1998 en Jelec (Lipecka provinco).
Listo de pasintaj RET:
| Numero, dato | Loko |
|---|---|
| RET-1, 1998 | Jelec, Lipecka provinco |
| RET-2, 2002 | Kovrov, Vladimira provinco |
| RET-3, 2003 | Kovrov, Vladimira provinco |
| RET-4, 2004 | Tiĥvin, Leningrada provinco |
| RET-5, 2005 | Jelec, Lipecka provinco |
RET-6, 2006 | Volĵskij, Volgograda provinco |
| RET-7, 2007 | Primorsko-Aĥtarsk, Krasnodara regiono |
| RET-2011 | Gelenĝik[8], Krasnodara regiono |
| RET-2015 | Surskije Zori, Jadrina distrikto, Ĉuvaŝio |
| KET[9], 2016 | Jalta, Krimeo |
| RET-2017 | Poŝeĥonje, Jaroslavla provinco |
| RET-2018 | Ŝuja, Ivanova provinco |
RET-7, organizata de REU kaj Volgograda Esperantista Junulara Centro "Stelaro", okazis inter la 18-a kaj 25-a de aŭgusto apud Primorsko-Aĥtarsk ĉe la Azova Maro.
En 2008 RET ne okazis, ĉar anstataŭ ĝi kaj por la sama publiko okazis komuna rusi-ukrainia aranĝo IET (Internaciaj Esperanto Tagoj) sur Tarĥankuto (Krimeo).
EoLA |
Pli detalaj informoj troveblas en la artikolo Esperanto - Lingvo Arta.
Aliaj Esperanto-renkontiĝoj organizataj de REU |
- Pasintaj eventoj
- Estontaj eventoj
Interretaj projektoj |
- En 2010 estis decido pri organizado de retpaĝaro E-kluboj.ru[10]. La enhava kunordiganto de la retejo estis tiama prezidanto de REU Grigorij Arosev. La retejo funkciis dum nelonga tempo, nun ne plu funkcias.
Eldonaĵoj de REU |
Rusia Esperanto-Gazeto |
Pli detalaj informoj troveblas en la artikolo Rusia Esperanto-Gazeto.
REU-ekspres' |
REU-ekspres' estis presorgano de REU. Ĝi estis modesta informilo per kiu REU urĝe informis siajn anojn.
La unua paĝo de la numero 4
La dua paĝo de la numero 4
"Movado" |
"Movado" estis revuo eldonita de Kluba kaj Aktivula Fako de REU. La revuon redaktis Andrej Ananjin kunlabore kun Nikolao Gudskov, Jelena Lebedeva, Andrej Liskov, Grigorij Arosev.
La unua paĝo
La dua paĝo
La tria paĝo
La kvara paĝo
REJM |
Pli detalaj informoj troveblas en la artikolo Rusia Esperantista Junulara Movado.Rusia Esperantista Junulara Movado (REJM) estas junulara sekcio de REU (ekde 2005 funkciis memstare[11]). Samtempe ĝi estas landa sekcio de TEJO. Membraro de REJM konsistas ĝuste el membroj de REU ne pli ol 31-jara aĝaj. En 2014 estas 19 membroj de REJM[12]
Vidu ankaŭ |
- Ruslanda Esperanto-Asocio
Eksteraj ligiloj |
- Oficiala paĝaro de REU
Referencoj |
- ↑ 1,01,11,2Pri Rusia Esperantista Unio
- ↑ 2,02,12,22,3Statuto de REU
↑ laŭ "la Ondo de Esperanto"
↑ [1]
↑ Raporto pri agado de MEA MASI en 2013 jaro en la retejo de REU
↑ REK-26
↑ REK-27
↑ http://reu.ru/kalendaro/informletero/RET-2011
↑ Krimeaj Esperanto-Tagoj
↑ Informo sur la paĝaro de REU pri E-kluboj.ru (ruse)
↑ Российский союз эсперантистов (REU) поглотил Российское молодёжное эсперанто-движение (REJM) (ruse)
↑ Membrolisto de REJM por 2014
| ||||||||||||||
