Kdjykuj

Jen listo de okazaĵoj en majo 2013.

1-a de majo

• 
  Gurbanguli Berdimuĥamedov, Prezidanto de Turkmenio, falis de sur ĉevalo kiam tiu ĉi stumblis post gajnita kurado. Video
  


• 
  En Grekio, la du plej grandaj sindikatoj okazigis diurnan strikon kaj kontraŭrigorecajn manifestaciojn.

2-a de majo

• 
  Pluraj UN-funkciuloj kondamnis la daŭrantan retenon senakuzan de kaptitoj ĉe Gŭantanamo, kie nuna malsatstriko krizon kaŭzas.

3-a de majo

• 
  Komenciĝis la 72-a Hispana Esperanto-Kongreso en Zaragozo, Hispanio.


• 
  La prokuroro kontraŭ Muŝarraf en proceso pri la murdo de Benazir Bhutto en 2007 estis mortpafita en Islamabado, Pakistano.


• 
  Mortis 39 homoj en Wukari, Niĝerio dum religia tumulto okaze de entombigo de loka gvidanto kristana.

5-a de majo

• 
  La 56-jare reganta partio, la Barisan Nasional, ree venkis en la malajzia elektado, kvankam la venko estis la plej malforta ĝis nun.


• 
  Islamismaj demonstracioj en Dako perfortiĝis, kaŭzante 27 mortojn.

6-a de majo

• 
  Tri junulinoj mankintaj de antaŭ jardeko estis finfine liberigitaj el Klevlanda domo en kiu ili estis katenitaj kaj seksperfortadataj.

7-a de majo

• 
  Vulkano, Monto Majono, mallonge erupciis en la Filipinoj, mortigante kvar germanajn montgrimpistojn kaj ilian gvidanton.


• 
  Ekvadoro eksigis sian ambasadoron je Peruo post li baraktis kun du virinoj en superbazaro.

8-a de majo

• 
  Milico islamisma atakis kaj bruligis policejon kaj kazernan malliberulejon en Bama, nordorienta Niĝerio; 55 homoj mortis.


• 
  Apelacia kortumo samdecidis la kondamnon de Silvio Berlusconi pro imposta fraŭdo, kaj remetis la originalan kvarjaran punon.


• 
  Banditoj forrabis la politike kandidatantan filon de eksĉefministro Jusuf Raza Gillani dum subĉiela kunveno en Multan, Pakistano.

10-a de majo

• 
  Komenciĝis Esperanto-Kongresoj en Karlstad, Svedio kaj Ramsgate, Britio.


• 
  Efraín Ríos Montt estis kondamnita al 80-jara enkarcerigo pro genocido.


• 
  Virino vivanta estis trovita en la ruinoj de Rana Plaza, 17 tagojn post la disfalo.

11-a de majo

• 
  Naŭaz Ŝarif elektiĝis triafoje kiel ĉefministro en Pakistano, post periodo de disa perforto fare de Talibanoj en kiu pli ol 100 homoj mortis.


• 
  Raportiĝis ke la koncentriĝo de CO₂ en la atmosfero superas 4‱ volumene unuafoje en homara historio.


• 
  Du aŭtobomboj mortigis 43 homojn en Reyhanlı, Turkio, urbo apud la siria limo.

12-a de majo

• 
  Okazis parlamenta elektado en Bulgario, unu tagon post la malkovro de 350 000 kontraŭleĝaj balotoj en presejo Sofia.


• 
  Komenciĝis la 5-a Junulara Seminario de Esperanto en Harbino, Ĉinio.


• 
  Deknaŭ homojn pafado vundis dum Patrinotaga parado en Nov-Orleano, Usono.

13-a de majo

• 
  Renversis boato evakuante 200 islamanojn Rohingjajn el rifuĝejo en Birmo antaŭ ventego; timiĝis ke 50 homojn mortis.


• 
  Hashimoto Tōru, kungvidanto de la Japana Restariga Partio, asertis dum gazetara konferenco ke la sistemo komfortulina "necesis" dum la dua mondmilito.

15-a de majo

• 
  La prezidento de Meksiko maldungis altfunkciulon kies filino fermigis restoracion kiu ŝian preferseĝon unufoje ne rezervis.

16-a de majo

• 
  La ciklono Mahasen ekbatadis la marbordon Bangladeŝan.


• 
  Minejo enfalis en orienta Kongo Kinŝasa, kun 20 mortoj.

17-a de majo

• 
  Mortis Jorge Rafael Videla iama diktatoro de Argentino (1976–1981).


• 
  La 90-a Germana Esperanto-Kongreso komenciĝis en Nurenbergo.


• 
  Inundoj tra suda Ĉinio mortigis 50 homojn kaj mankigis 14.

18-a de majo

• 
  La 10-a Mez-Kanada Renkontiĝo malfermis en Otavo.


• 
  Eŭrovido-Kantokonkurso: Emmelie de Forest (Danio) gajnis la finalon de Eŭrovido-Kantokonkurso 2013 okazinta en Malmö, Svedio per kanto "Only teardrops".


• 
  Glacihokeo: La naciaj teamoj de Svedio kaj Svislando kvalifikiĝis por la finalo de la monda ĉampioneco en glacihokeo okazonta la 19-an de majo en Stokholmo.


• 
  Prezidanto de Francio François Hollande ĵus promulgis leĝon pri "geedzeco por ĉiuj". Samseksa edz(in)eco fariĝis laŭleĝa en Francio.

19-a de majo

• 
  Glacihokeo: La nacia teamo de Svedio gajnis la mondan ĉampionecon en glacihokeo 2013 en Stokholmo kontraŭ la teamo de Svislando.

20-a de majo

• 
  Tornado detruis antaŭurbojn de Oklahomaurbo, Usono, kaj kaŭzis 24 mortojn.


• 
  Mortis Ray Manzarek, kunfondinto de usona muzikgrupo The Doors.

21-a de majo

• 
  Dominique Venner, 78-jara ekstrem-dekstra verkisto kaj historiisto mortpafis sin en Katedralo Notre Dame de Parizo por manifestacii kontraŭ samseksa edz(in)eco.

22-a de majo

• 
  Gruo difektis elektrolineon kaj kaŭzis dekhoran rompon tra triono de Vjetnamio.


• 
  Anglan soldaton murdis du islamismanoj en Woolwich, antaŭurbo Londona, kaj petis pasantojn foti.


• 
  Mortis la franca komponisto Henri Dutilleux en la aĝo de 97.

23-a de majo

• 
  Sinmortigistoj atakis kazernon kaj uranio-minejon en nordokcidenta Niĝero.

25-a de majo

• 
  Malfermis en Ŭakajama la 61-a Kongreso de Esperantistoj en Kansajo (KEK).


• 
  Anonciĝis ke Brazilo dekalkulos US$ 900 mln da ŝuldoj de 12 afrikaj landoj.

26-a de majo

• 
  Okazis senata elektado en Ekvatora Gvineo.


• 
  Pri agrara reformo atingis interkonsenton FARK kaj la Kolombia registaro dum komencaj interpacigaj diskutoj.

28-a de majo

• 
  Etiopio komencas deturni la Bluan Nilon por akvoenergia baraĵo.


• 
  Parlamentanoj kenjaj aprobis plialtigon de iliaj propraj salajroj, spite de reduktaj proponoj far Uhuru Kenyatta.

30-a de majo

• 
  Opoziciaj gvidantoj en Rusio asertas ke ĝis US$ 30 mld el la mono asignita por la Soĉi'a Vintra Olimpiko de 2014 estas jam ŝtelitaj.

31-a de majo

• 
  Komenciĝis Interamikiĝa Evento de la Esperanto-Populariga Asocio (EPA) en Kameoka kaj Ajabe, Japanio.