Kdjykuj

"La patroj de la Konfederacio": foto de pentraĵo de Robert Harris, kiu bildigas kombinon de la scenaro kaj partoprenantaro de la konferencoj en Charlottetown kaj Kebeko. La origina pentraĵo detruiĝis en 1916 kadre de bruliĝo de la parlamenta konstruaĵo.

La nomo kanada konfederacio (angle: Canadian Confederation; france: Confédération canadienne) aludas al la eventoj de la 1-a de julio 1867, kiuj gvidis al kreo de la federacia ŝtato Kanado (Dominion of Canada). Ĝi estas grava evento en historio de Kanado. El tri britaj kolonioj iĝis kvar kanadaj provincoj: La teritorio "British Province of Canada" estis dividita en la novajn kanadajn provincojn Ontario kaj Kebekio (Québec), kaj el la britaj kolonioj Nov-Brunsviko (New Brunswick) kaj Nov-Skotio (Nova Scotia) iĝis samnomaj kanadaj provincoj. La unua ĉefministro de la Kanada konfederacio estis John A. Macdonald, kiu komencis siajn funkciojn en 1867.

Same la nocio uzatas por la sekvaj ampleksigoj de la teritorio de la federacia ŝtato Kanado je pliaj provincoj kaj teritorioj de la eksa Brita Nordameriko. La vorto "konfederacio" en Kanado ofte uzatas por priskibi la kanadan ŝtaton en abstrakta maniero - ekzemplo estas la "patroj de la konfederacio" (angle Fathers of Confederation, france Pères de la Confédération), la ĉefaj roluloj de la ŝtatokrea proceso. En la historio de Kanado oni ofte distingas inter la tempo antaŭ kaj la tempo post la kreo de la konfederacio.

La sekva tabelo montras la sinsekvon kaj datojn de aliĝo de la unuopaj provincoj kaj teritorioj al la kanada ŝtato:

rango	dato	provinco / teritorio
01	la 1-an de julio 1867	Ontario Ontario
02		Kebekio Kebekio
03		Nov-Skotio Nov-Skotio
04		Nov-Brunsviko Nov-Brunsviko
05	la 15-an de julio 1870	Manitobo Manitobo
06	la 20-an de julio 1871	Brita Kolumbio Brita Kolumbio
07	la 1-an de julio 1873	Insulo de Princo Eduardo Insulo de Princo Eduardo
08	la 1-an de septembro 1905	Saskaĉevano Saskaĉevano
09		Alberto Alberto
10	la 31-an de marto 1949	Novlando kaj Labradoro Novlando kaj Labradoro
11	la 15-an de julio 1870	Nordokcidentaj Teritorioj Nordokcidentaj Teritorioj
12	la 13-an de junio 1898	Jukonio Jukonio
13	la 1-an de aprilo 1999	Nunavuto Nunavuto

Ĉi tiu artikolo ankoraŭ estas ĝermo pri Kanado. Helpu al Vikipedio plilongigi ĝin. Se jam ekzistas alilingva samtema artikolo pli disvolvita, traduku kaj aldonu el ĝi (menciante la fonton).