Naĥ-dagestana lingvaro
La naĥ-dagestanaj lingvoj:
flav-bruna: naĥa
verda: avar-andieca kaj cezeca
blua: dargva
bluega: laka
flav-verda: lezgeca kaj ĥinaluga
(ruĝe: la abĥaz-adigea lingvaro)
La naĥ-dagestanaj, kaspiaj, aŭ nordorient-kaŭkazaj lingvoj estas lingva familio de du-tri milionoj da parolantoj kiuj hejmiĝas en orienta Kaŭkazio, ĉefe en la rusaj republikoj de Inguŝio, Ĉeĉenio, kaj Dagestano, iom en Azerbajĝano.
La eroj de la naĥ-dagestana lingvofamilio estas sep:
- La naĥa lingvaro, kun la ĉeĉena k inguŝa lingvoj
- La avar-andieca lingvaro: tio estas, la avara lingvo k la andieca lingvaro, tiu ĉi kun la andia lingvo
- La cezeca lingvaro (dideca), kun la ceza lingvo (dida), la beĵta lingvo, la hunziba lingvo kaj la hinuĥa lingvo
- La dargva lingvo (aŭ lingvoj)
- La laka lingvo
- La ĥinaluga lingvo
- La lezgeca lingvaro, kun la lezga, tabasara, kaj agula lingvoj
Iuj lingvistoj proponas parencecon inter tiuj lingvaroj kaj la ĉerkesa lingvaro, aŭ kaj la huria kaj urarta lingvoj de antikva Anatolio, sed tiu rilato ankoraŭ ne estas montrita konvinke.
