Kdjykuj

Muelejo en Rabenau (naskiĝloko de Karl), menciita en 1488 kiel posedaĵo de la familio Miltitz.

Karl von Miltitz (naskiĝinta ĉirkaŭ 1490 en Rabenau, mortinta en la 20-a de novembro 1529 en Hanau-Steinheim) estis papa sendito kaj intertraktis kun Marteno Lutero.

Vivo |

Miltitz estis ano de la nobela saksia gento de la Miltitz-oj. Li iĝis kanoniko en Mainz, Trier kaj Meißen, en 1515 eĉ papa oficisto kaj ĉambristo en Romo. En la 1518-a jaro li estis sendita kiel papa legato en Saksion por efektivigi ne pluan agadon de Luther kaj konvinki Frederikon la 3-an ne plu subteni la reformanton.

Li interttraktis jam en januaro 1519 en Altenburg en la domo de Georg Spalatin, samjare ankoraŭfoje (oktobre) en Liebenwerda kaj en 1520 en la monakejo de la (iama) hospitala ordeno de la Antonianoj en Lichtenberg apud Prettin. Sed ĉiuj intertraktoj restis vanaj. Li ankaŭ admonegis en la nomo de la papo la predikiston Johann Tetzel kiu ne estis aperinta ĉe la asignon en Altenburg.

Dum vojaĝo en 1529 li dronis en la rivero Main.

Literaturo |

• Johann Karl Seidemann: Karl von Miltitz, Kanonikus zu Meissen, Trier, Mainz, päbstlicher Kammerherr und Nuncius apostolicus : eine chronologische Untersuchung zu besserem Verständnisse der Quellen. J. Naumann, Dresden 1844. (surrete)
  


• Heinrich August Creutzberg: Die jugend des päpstlichen nuntius Karl von Miltitz und sein aufenthalt in Rom. Inauguraldissertation, Bonn. Freiburg im Breisgau 1907.


• Heinrich August Creutzberg: Karl von Miltitz 1490-1529 : sein Leben und seine geschichtliche Bedeutung. Herder, Freiburg im Breisgau 1907.


• Patricius Schlager: Karl von Miltiz. In: The Catholic Encyclopedia. Robert Appleton Company, New York 1911 (volume 10).


• 
  Miltitz. In: Dictionnaire de théologie catholique. Letouzey et Ané, Paris 1928 (fascicule LXXXVI).


• Hans-Günter Leder: Ausgleich mit dem Papst? Luthers Haltung in den Verhandlungen mit Miltitz 1520. Calwer Verlag, Stuttgart 1969.


• Annick Sibué: Luther et la réforme protestante. Eyrolles, Paris 2011, p. 76-77.

Eksteraj ligiloj |

Biografio ĉe NDB.