Distrikto Lörrach
| Blazono | Mapo |
|---|---|
 |  |
| Bazaj informoj | |
Federacia lando: | Baden-Virtembergo |
Distriktaro: | Frajburgo |
Regiona ligo: | Alta Rejno-Konstanca Lago |
| Administra sidejo: | Lörrach |
| Areo: | 806 km² |
| Loĝantoj: | 228 314 (fine de decembro 2017) |
Loĝdenso: | 275 po km² |
Aŭtokodo: | LÖ (Lörrach) |
Oficiala kodo: | 08336 |
La distrikto Lörrach situas en la pleja sudokcidento de la federacia lando Baden-Virtembergo de Germanio, kaj do ankaŭ en la pleja sudokcidento de tuta Germanio. Ĝia administra sidejo estas la samnoma urbo Lörrach. La distrikto estas parto de la distriktaro Frajburgo kaj de la regiona ligo regiona ligo Alta Rejno-Konstanca Lago.
La distrikto havas areon de 806 km², kaj fine de decembro 2017 ĝi havis 228 314 loĝantojn. Najbaras la distriktoj Breisgau-Hochschwarzwald norde kaj Waldshut oriente, krome la kantonoj Bazelo urba, Bazelo kampara kaj Argovio de Svisio sude kaj la regiono Alzaco de Francio okcidente. La naturan limon al Svisio sude kaj Francio okcidente konsistigas la rivero Rejno.
Enhavo
1 Administra divido
2 Kulturo kaj vidindaĵoj
3 Notoj
4 Eksteraj ligiloj
Administra divido |
La distrikto konsistas el 42 komunumoj, el kiuj 8 estas urboj. En la sekva listo inter krampoj aldoniĝas la respektiva nombro de loĝantoj laŭ la stato fino de septembro 2006.
Urboj:
Kandern (8.068)
Lörrach (47.429)
Rheinfelden (Badeno) (32.491)
Schönau im Schwarzwald (2.532)
Schopfheim (19.404)
Todtnau (5.037)
Weil am Rhein (29.546)
Zell im Wiesental (6.024)
Neurbaj komunumoj:
Aitern (556)
Bad Bellingen (3.833)
Binzen (2.895)
Böllen (103)7
Efringen-Kirchen (8.229)
Eimeldingen (2.335)7
Fischingen (709)
Fröhnd (494)
Grenzach-Wyhlen (13.647)
Häg-Ehrsberg (836)
Hasel (1.119)
Hausen im Wiesental (2.409)
Inzlingen (2.481)
Kleines Wiesental [1]
Malsburg-Marzell (1.530)
Maulburg (4.086)
Rümmingen (1.672)
Schallbach (723)
Schliengen (5.295)
Schönenberg (350)
Schwörstadt (2.422)
Steinen (10.040)
Tunau (189)
Utzenfeld (665)
Wembach (328)
Wieden (591)
Wittlingen (949)
Iuj urboj kaj/aŭ komunumoj interkonsentis kune oferti partojn de la publikaj servoj kadre de administraj komunumaroj. Tiuj grupigoj en la supra listo (laŭ la nuna stato) ne aparte listiĝas.
fortikaĵo Rötteln
Kulturo kaj vidindaĵoj |
Vidindaj kulturaj kaj naturaj monumentoj estas la fortikaĵo Rötteln, la akvokasteloj Inzlingen kaj Schliengen, kastelo Bürgeln, la lago Nonnenmattweiher la stalaktita kaverno Erdmannshöhle, la kaverno Tschamberhöhle kaj la lago Eichener See. La laste menciita lago estas kuriozaĵo, ĉar dum plejparto de la tempo ĉi tute ne ekzistas: nur post fortaj pluvoj subtera akvo puŝiĝas supren kaj plenigas la valeton, post pluvoĉeso la akvo iom post iom malaperas. Same interesa estas vizito de la pitoreska pejzaĝo en la glaĉere estiĝinta valo Präger Gletscherkessel.
Internacie konatas la muzeo Vitra Design Museum en Weil am Rhein.
Notoj |
↑ La komunumo Kleines Wiesental ekestis la 1-an de januaro 2009 el la kunligo de la antaŭe sendependaj komunumoj Bürchau, Elbenschwand, Neuenweg, Raich, Sallneck, Tegernau, Wies kaj Wieslet
Eksteraj ligiloj |
- oficialaj paĝoj de la distrikto (germanlingvaj)
Lörrach
Rheinfelden
Weil am Rhein
Schopfheim
| ||||||
| ||||||
