Kdjykuj

Ĥersono Херсон
Flago	Blazono
Administrado
Statuso	Urbo
Lando	Ukrainio
Provinco	Ĥersona provinco
Fondita en	1778
Poŝtkodo	73xxx
Telefona antaŭkodo	+380 552
Retpaĝaro	http://www.city.kherson.ua/
Politiko
Urbestro	Vladimir SALDO
Demografio
Loĝantaro	321 000 (laŭ 2 007)
Loĝdenso	1 781 loĝ./km²
Geografio
Koordinatoj	46°38′0″N 32°35′0″U  /  46.63333°N, 32.58333°U / 46.63333; -32.58333 (Ĥersono)Koordinatoj: 46°38′0″N 32°35′0″U  /  46.63333°N, 32.58333°U / 46.63333; -32.58333 (Ĥersono)
Alto	25 m [+]
Areo	135,5 km²Ŝablono:Informkesto urbo/zorgado/numero
Horzono	UTC+2
DEC Situo de Ĥersono Херсон i1
Alia projekto
Vikimedia Komunejo Kherson [+]
v • d • r

Ĥersono (ukraine Херсон, ruse Херсон) estas urbo en la suda parto de Ukrainio, administra centro de la Ĥersona provinco, grava industria kaj kultura centro de la sudo de Ukrainio. La urbo situas sur la alta dekstra bordo de Dnepro apud ĝia alfluejo al la Dnepra kreko de la Nigra Maro. En la urbo loĝas ĉirkaŭ 320 mil homoj (en 2007).

Historio |

La urbo naskiĝis kiel milita fortikaĵo en 1737 dum unu el la militoj inter Rusujo kaj Turkujo.

La 18-an de junio 1778 sur la loko de la fortikaĵo oni ekkonstruis ŝip-uzinon - la ĉefan entreprenon de la estonta urbo. Oni nomis ĝin "Ĥersono" omaĝe al la antikva helena urbo "Ĥersoneso" (Χερσόνησος). Kiel "patron" de la urbo oni opinias i.a. la princon Grigorij Aleksandroviĉ Potjomkin (favoraton de imperiestrino Katerino la 2-a (Rusio)). Fine de la 18a jarcento la urbo ludis gravan rolon pri evoluigo de la eksteraj ekonomiaj ligoj de la Rusia Imperio.

La urbo ekkreskis rapide post la jaro 1861. Oni pliprofundigis la fluejon de Dnepro, danke al kio Ĥersono iĝis grava marhaveno.

Dum la jaroj de industriigo (1920-30aj jaroj) la urbo iĝis grava industria centro.

Dum la Dua mondmilito la urbo estis okupita inter la 19-a de aŭgusto 1941 kaj la 13-a de marto 1944.

En la jaro 1978 la urbo estis honorita per Ordeno de Laborista Ruĝa standardo.

Administra divido |

Dnepro ĉe Ĥersono

La urbo estas dividita je tri distriktkoj:

• Suvorova distrikto (ruse Суворовский район, ukraine Суворовський район) - la plej malnova, okupas ĉefe la historian centron de la urbo;


• Komsomola distrikto (ruse Комсомольский район, ukraine Комсомольский район) - ĉefe industria distrikto;


• 
  Dnepra distrikto (ruse Днепровский район, ukraine Днiпровський район)

La domo de la provinca administracio, kun ne plu staranta Lenino sur la soklo, faligita de la urbanoj la 22an de feb. 2014 dum la Eŭromajdano en Kievo

Katedralo de Sankta Katerino

Demografio |

Laŭ la censo de la jaro 2001 76,4% de la urba loĝantaro estas etnaj ukrainoj, 20,0% — rusoj, la resto - la reprezentantoj de aliaj etnoj.
La kvanto de la loĝantaro laŭ la jaroj:

• 1799 — 2,3 miloj da loĝantoj


• 1846 — 23,6 mil


• 1910 — 64 mil


• 1914 — 21 mil


• 1926 — 58 mil


• 1939 — 97 mil


• 1959 — 158 mil


• 1981 — 329 mil


• 2004 — 361 mil


• 2007 — 315 mil

Ekonomio |

La ĉefaj branĉoj de la urba ekonomio estas la nutra industrio, la maŝin-konstruado (ankaŭ ŝip-konstruado kaj ŝip-riparado), malpeza industrio, vitra, kemia kaj nafto-prilabora industrioj. Krome, Ĥersono kaj la regiono ĉirkaŭ ĝi estas signifa kurac- kaj ripoz-regiono (ĉefe porinfana).

Ĥersono estas grava fervoja nodo. En la urbo estas grandaj mara kaj rivera havenoj; estas ankaŭ flughaveno.

Scienco kaj kulturo |

Ĥersono estas grava scienca kaj kultura centro. En la urbo estas multaj altlernejoj (inter ili — la Ĥersona Ŝtata Universitato, Ĥersona Ŝtata Agrikultura Universitato, Ĥersona Ŝtata Teĥnika Universitato), kelkaj sciencaj institucioj (ekz., la Agrikultura Instituto de la suda regiono de Ukrainio, strukture apartenanta al la Ukrainia Akademio de agrikulturaj sciencoj).

En la urbo estas 2 teatroj, filharmonio, kelkaj muzeoj, kelkaj kulturdomoj, planetario.

Ĝemel-urboj |

La monumento omaĝe al John Howard en Ĥersono

Moŝe Ŝaret, la israela politikisto naskita en Ĥersono, dum la jaroj 1953-1955 la ĉefministro de Israelo

Ĥersono subtenas interrilatojn kun la jenaj urboj:

• 
  Rzeszów (Pollando)


• 
  Zalaegerszeg (Hungario)


• 
  Ŝumen (Bulgario)


• 
  Surgut (Rusio)


• Kent (ŝtato Vaŝingtono, Usono)


• 
  Zonguldak (Turkio)

Famuloj ligitaj kun Ĥersono |

La tomboŝtono de Grigorij Aleksandroviĉ Potjomkin en la Katedralo de Sankta Katerino en Ĥersono

Sergej Stanishev, naskita en Ĥersono la bulgara politikisto, MEP, la ĉefministro de Bulgario 2005–2009

Ludoviko Zamenhof, la kreinto de Esperanto

La tombo de Mariusz Zaruski en Ĥersono

• 
  Sergej Bondarĉuk (1920-1994), la ukraina film-reĝisoro, scenaristo, aktoro


• 
  Dora Brilliant (1879-1909]], la judino naskita en Ĥersono, la rusia revolucionistino


• 
  Sergej Germaŝ (* 1958), naskita en Ĥersono, sovetia, rusia aktoro (la ukrain-devena)


• 
  Abraham Hannibal / Abram Petroviĉ Gannibal (Hanibalo) (1688-1781), la fondinto de la urbo, abiseno, generalo, praavo de Aleksandr Puŝkin
  


• 
  Jakov Skomorowski (1889–1955), naskita en Ĥersono la sovetia ĵaz-trumpetisto kaj estro de ĵazbando


• 
  Moŝe Ŝaret (1894–1965), judo, la israela politikisto, dum la jaroj 1953-1955 la ĉefministro de Israelo (vidu la apudan foton)


• 
  Vladimir Orlov (1895–1938), la sovetia vic-admiralo


• 
  Jefim Golishev (1897–1970), judo naskita en Ĥersono, la ukraina komponisto kaj pentristo, ano de dadaismo en Berlino
  


• 
  Nikolaj Grinko (1920-1989), la ukraina aktoro


• 
  John Howard (1726-1790), la angla filantropo kaj prizon-reformisto, mortis en Ĥersono (vidu la apudan foton de la monumento amaĝe al li en Ĥersono)


• 
  Mircea Ionescu-Quintus (* 1917), la rumana liberal-politikisto kaj ministro pri justeco de Rumanio (1991/92)


• 
  Miĥail Tihonoviĉ Jemcev (1930-2003), la sovetia kaj rusia scienc-fikcia verkisto


• 
  Larisa Latinina (* 1934), la ukraina art-gimnastikulino (18 medaloj en Olimpikoj, la plej granda rekordo dum ĉiuj Olimpiaj ludoj)


• 
  Sergej Polunin (* 1989), la ukraina balet-dancisto


• 
  Grigorij Aleksandroviĉ Potjomkin, princo, rusia feldmarŝalo, la fondinto de la urbo (vidu la apudan foton de lia tomboŝtono)


• 
  Sergej Stanishev (* 1966), la bulgara politikisto, MEP, la ĉefministro de Bulgario 2005–2009 (vidu la apudan foton)


• 
  Aleksandr Suvorov (1729-1800), generalo, rusia marŝalo, la fondinto de la urbo


• 
  Inna Janovskaja / Inna Haponenko (* 1976), la ukraina ŝak-superĉampionino


• 
  Waleria Fegler (1910-1984), la pola instruistino kaj parlamentanino (1961-1965)


• 
  Inna Ŝevĉenko (* 1990), la ukraina aktivistino de feminismo
  


• 
  Oleksij Ŝovkunenko (1884-1974), la ukraina pentristo kaj instruisto akademiano


• 
  Lev Trockij (1879-1940), judo el la ĥersona regiono, rusia revoluciisto, politikisto kaj grava partoprenanto en la Oktobra revolucio en Rusio
  


• 
  Ludoviko Zamenhof (1859-1917), la kreinto de Esperanto, inter la novembro 1889 kaj majo 1890 li laboris en la urbo kiel kuracisto (vidu la apudan foton)


• 
  Mariusz Zaruski (1867-1941), la pola generalo, maristo, alpisto, skribisto, mortis en la NKVD-malliberejo en Ĥersono (vidu la apudan foton de lia tombo en Ĥersono)

Ĥersono kaj Esperanto |

La kreinto de Esperanto, L. L. Zamenhof laboris en la urbo inter novembro 1889 kaj majo 1890. Ĝis nun en la urbo mankas iuj memor-mencioj pri tio. Nun aperis taŭga placo ĉe la domo de la provinca administracio, kun ne plu staranta Lenino sur la soklo, faligita de la urbanoj la 22an de februaro 2014 dum la Eŭromajdano en Kievo - do eble ukrainaj esperantistoj starigu la monumenton de Ludoviko Zamenhof sur tiu libera soklo.

Eksteraj ligiloj |

• Oficiala paĝaro de la urbo


• Paĝaro pri la urbo (ruse)


• Paĝaro pri la urbo (ruse)


• La mapo de la urbo


• Fotoj de Ĥersono


• Paĝaro pri la urbo