Distrikto Orienta Holstinio
| Blazono | Mapo |
|---|---|
 |  |
| Bazaj informoj | |
Federacia lando: | Ŝlesvigo-Holstinio |
| Administra sidejo: | Eutin |
| Areo: | 1391 km² |
| Loĝantoj: | 199 574 (fine de decembro 2015) |
| Loĝdenso: | 148 po km² |
Aŭtokodo: | OH (Ostholstein) |
| Oficiala kodo: | 01055 |
| Situo de la distrikto ene de Ŝlesvigo-Holstinio | |
 | |
La distrikto Orienta Holstinio - germane Kreis Ostholstein - situas en la federacia lando Ŝlesvigo-Holstinio de Germanio. Ĝia administra sidejo estas la urbo Eutin [prononco "Ojtin"]. La distrikto kovras areon de 1391 km², kaj fine de decembro 2015 ĝi havis 199 574 loĝantojn.
La distrikto ampleksas duoninsulon en la Balta Maro, kiu situas inter la kila golfo (germane Kieler Bucht) nordokcidente kaj la lubeka golfo (germane Lübecker Bucht) sudoriente, kaj fine de la duoninsulo, nordoriente, la insulo Fehmarn, kiu per fervoja digo ligiĝas al la kontinento.
Najbaras la distriktoj Plön kaj Segeberg okcidente, kaj la eksterdistrikta urbo Lubeko plus la distrikto Stomarn sude.
Ekonomie aparte gravas la turismo, precipe en la feriaj lokoj Fehmarn, Heiligenhafen, Grömitz kaj Timmendorfer Strand borde de la lubeka golfo de la Balta Maro.
Administra divido |
La distrikto konsistas el 4 komunumaroj, en la germana lingvouzo de Ŝlesvigo-Holstinio Amt, pluralo Ämter, kaj aldone el 18 urboj kaj komunumoj sendependaj de komunumaro. Ĉiuj komunumaroj konsistas el pluraj neurbaj kaj parte ankaŭ urbaj komunumoj, kaj kune ofertas grandan parton de la publikaj servoj. Sume en la distrikto ekzistas 36 unuopaj (urbaj kaj neurbaj) komunumoj. En la sekva listo inter krampoj aldoniĝas la respektiva nombro de enloĝantoj laŭ la stato fino de junio 2005.
Sendependaj urboj kaj komunumoj:
|
|
Komunumaroj (Ämter) kun unuopaj membraj (urbaj kaj neurbaj) komunumoj:
* administra sidejo
|
|
Eksteraj ligiloj |
- oficialaj paĝoj de la distrikto (germanlingvaj)
Eutin
Timmendorfer Strand
Fehmarn
Heiligenhafen
| ||||||
| ||||||
