Česká Třebová
Koordinatoj: 49°54′09″N 16°26′56″E / 49.9025°N, 16.44889°O / 49.9025; 16.44889 (Česká Třebová)
| Česká Třebová | |||
germane: Böhmisch Trübau | |||
| urbo | |||
 Rotondo de sankta Katarino en Česká Třebová | |||
| |||
Oficiala nomo: Česká Třebová | |||
| Ŝtato |  Ĉeĥio | ||
|---|---|---|---|
| Regiono | Regiono Pardubice | ||
| Distrikto | Distrikto Ústí nad Orlicí | ||
| Administra municipo | Česká Třebová | ||
| Historia regiono | Bohemio | ||
| Fervojstacio | Česká Třebová | ||
| - fervojlinio | n-ro 270 | ||
| Konataj lokoj | Rotondo de sta Katarino, Pilgrimloko Hory | ||
| Rivero | Třebovka | ||
| Situo | Česká Třebová | ||
| - alteco | 375 m s. m. | ||
| - koordinatoj | 49°54′09″N 16°26′56″E / 49.9025°N, 16.44889°O / 49.9025; 16.44889 (Česká Třebová) | ||
| Areo | 41,00 km² (4 100 ha) | ||
| Loĝantaro | 15 994 (01.01.2012) | ||
| Denseco | 390,1 loĝ./km² | ||
| Unua skribmencio | 1278 | ||
| Horzono | MET (UTC+1) | ||
| - somera tempo | MET (UTC+2) | ||
| Poŝtkodo | 560 02 | ||
NUTS 3 | CZ053 | ||
NUTS 4 | CZ0534 | ||
NUTS 5 | CZ0534 580031 | ||
| Katastraj teritorioj | 6 | ||
| Partoj de urbo | 6 | ||
| Bazaj sidejunuoj | 23 | ||
  Situo enkadre de Ĉeĥio | |||
 Vikimedia Komunejo: Česká Třebová | |||
Retpaĝo: www.ceska-trebova.cz | |||
 Portalo pri Ĉeĥio | |||
Česká Třebová (legu: ĉeska trĵebova; germane: Böhmisch Trübau) estas ĉeĥa urbo en orienta Bohemio – la nomo signifas Bohemia Trebovo diference de la Moravia Trebovo (Moravská Třebová) – kun 18 mil loĝantoj. La urbo estas grava fervoja nodo kun fervojista lernejo kaj fervojistaj kolektoj en la urba muzeo. En la sama muzeo troviĝas ankaŭ Esperanto-kolekto, nome biblioteko kaj esperantaĵoj de diversaj kluboj. La urbo fieras ankaŭ pri sia tekstilia industrio.
Enhavo
1 Vidindaĵoj
2 Historio de la urbo
2.1 Gravaj datoj de la urbo
3 Transporto
4 Esperanto
4.1 Kafejo
5 Vidu ankaŭ
6 Eksteraj ligiloj
7 Referencoj
Vidindaĵoj |
- romanika rotondo el la komenco de la 13-a jarcento
- paroĥa preĝejo empira (1794–1801)
- renesanca urbodomo alikonstruita baroke
- Pilgrimloko Hory
- Urba Muzeo kun historio de la urbo, fervojista kolekto, kripoj kaj Esperanto-kolekto.
Noto: Iama paĝo de Esperanto-kolekto plu ne funkcias, eblas ĝin trovi en interreta arkivo. Nuntempe ekzistas nur ĉeĥa paĝo.
Historio de la urbo |
Gravaj datoj de la urbo |
1278 – unua skriba mencio pri Česká Třebová
1292 – unua mencio pri Česká Třebová kiel pri urbo (en posedo de klostro en Zbraslav)
1469 – bataleto inter la urbanoj kaj soldato de Matiaso la 1-a Korvino
1529 – la urbo ricevis permeson konstrui bierfarejon (permesis Adalberto el Pernŝtejn)
1547 – finita konstruado de la urbodomo
1609 – sur la renesanca sonorilo aperas la urba emblemo - virkoko kun homa kapo (en preĝejo de sankta Jakobo)
1619 – Česká Třebová akiris la urbajn privilegiojn
1635 – granda incendio konsumis la preĝejon kun la paroĥo, urbodomon kaj 57 aliajn domojn
1744 – konstruita la unua ligna kapelo
1768 – Maria Teresia konfirmis la urbajn privilegiojn
1770 – fondita la urba bandomo
1845 – komencita regula fervoja trafiko Praha–Olomouc
1849 – komencita regula fervoja trafiko Brno–Česká Třebová
1849 – fonditaj fervojaj riparejo kaj maŝinfabriko
1873 – unua uzina teksoproduktado en la urbo
1864 – naskiĝis Gustav Habrman – la unua ministro de instruado en la t.n. unua respubliko (inter la du mondmilitoj)
1874 – malfermita unua knabina mezlernejo
1888 – fondita la urba muzeo
1904 – la paroĥejo iĝis dekanejo
1909 – fondita Gimnazio Česká Třebová
1909 – konstruita la urba kadukulejo (nun Domo de pensiuloj)
1934 – fondita knaba ĝenerala kaj urba lernejo
1934 – fondita labor-lernejo Habrman
1957 – elektrigita trafiko Praha–Česká Třebová
1959 – malkonstruo de la malnova Trávník (Gazono) kaj konstruado de Nové náměstí (Nova placo)
1990 – post la velura revolucio fino de la "portempa restado" de la sovetia armeo en la urbo
1993 – en la Urba Muzeo estas fondita Esperanto-kolekto, vidu apartan artikolon Esperanto-kolekto de Urba Muzeo en Česká Třebová
Transporto |
Česká Třebová estas vojkruco de jenaj fervojaj linioj:
- Elektrizita linio numero 010 al Kolín (tra Pardubice)
- Elektrizita linio numero 260 al Brno (tra Svitavy kaj Blansko)
- Neelektrizita linio numero 262 al Skalice nad Svitavou (tra Chornice)
- Elektrizita linio numero 270 en direkto Bohumín (tra Ostrava)
Esperanto |
Kafejo Esperanto en Česká Třebová
Esperanta agado en Česká Třebová komenciĝis jam en la jaro 1921 per fondo de fervojista sekcio. Tiu ĉi sekcio funkciis sub gvidado de gimnazia profesoro Vaněk. Bedaŭrinde el agado de la klubo restis nur koncizaj informoj en tiama regiona gazeto. E-klubo pereis en la jaro 1940 per malpermeso de Esperanto en Protektorato.[1]
Maljam en la jaro 1960 maljunaj lokaj veteranaj esperantistoj kun novaj geinteresuloj pri Esperanto renovigis E-movadon eĉ en vicoj de nefervojistoj. En tiu ĉi jaro estis fondita esperanta rondeto AMIKECO pere de esperantistoj Jindřich Štancl, František Jindra, Jiří Pištora kaj kelkaj homoj, kiuj volis lerni esperanton. Membroj de klubo kunlaboris kaj kunlaboras kun esperantaj rondetoj en Svitavy, Polička, Lanškroun kaj Žamberk.[2]
Regule antaŭ fino de jaro okazas en Česká Třebová esperantaj silvestroj.
Kafejo |
Eblas viziti kafejon "Esperanto", sed nuntempe oni ne parolas Esperanton en ĝi.
Vidu ankaŭ |
Betlehemoj de Česká Třebová (kripoj)
Eksteraj ligiloj |
- Mallonga videofilmo pri la urbo
- Militista pietat-loko (ĉeĥe)
- Virtuala promeno
- Ĉeĥa paĝo pri esperanta rondeto AMIKECO sur urba retejo
Referencoj |
↑ http://www.volny.cz/aeh-ikeh/informilo/INFORMILO_2005_3.htm
↑ http://www.ceska-trebova.cz/amikeco/d-2975/p1=2671
| Urbo Česká Třebová | |
|---|---|
Česká Třebová | | |
| ||||||||||||||||||||||||||||||||||||||||||||||||||||||||||
