Okcidenta Bengalio
w1
Okcidenta Bengalio | |
|---|---|
| Origina nomo | bengale পশ্চিমবঙ্গ |
| Statuso | Federacia ŝtato de Barato |
| Estas parto de | Barato |
| Administra centro | Kolkato |
| Oficiala lingvo | bengala |
| Loĝantaro (laŭ la stato de 2011) | 91 347 736 |
| Loĝdenso | 1 029 loĝ./km² |
| Areo | 88 752 km² (8 875 200 ha) |
 Okcidenta Bengalio sur la mapo de Barato | |
Geografia situo | 22° 34′ 0″ N, 88° 22′ 0″ O22.56666666666788.366666666667Koordinatoj: 22° 34′ 0″ N, 88° 22′ 0″ O [+] |
ISO 3166-2 | IN-WB |
www.wb.gov.in [+] | |
| La kategorio en la Komunejo | Okcidenta Bengalio [+] |
Bengala tigro
Okcidenta Bengalio[1] aŭ Okcidenta Bengalujo (bengale পশ্চিমবঙ্গ; nepale पश्चिम बङ्गाल [poŝĉim bongo]) estas unu el la subŝtatoj de Barato. Ĝi troviĝas en la oriento de Barato, kaj ĝi limas kun Bangladeŝo. Kune kun Bangladeŝo, ĝi formas la kulturan regionon Bengalio, kiu estis dividita dum la milito de 1948. En Okcidenta Bengalio vivas pli ol 80 milionoj da homoj, kaj ĝi estas la plej dense loĝata regiono de Barato. La ĉefurbo estas Kolkato.
Enhavo
1 Ekonomio kaj politiko
2 Klimato
3 Loĝantaro
4 Historio
5 Urboj de Okcidenta Bengalio
6 Famuloj de Okcidenta Bengalio
7 Referencoj
8 Vidu ankaŭ
Ekonomio kaj politiko |
La ekonomio de Okcidenta Bengalio baziĝas ĉefe sur agrokulturo. La provinca registaro estas koalicio de du partioj: All India Trinamool Congress kaj Indian National Congress. Ĝis la elektoj de 2011, la subŝtato estis regata de maldekstra koalicio gvidata de la Barata Komunista Partio. Tiu maldekstra partio regis la subŝtaton je 34 jaroj. Tiel ĝi iĝis la plej longdaŭra demokratie elektita komunista partio en la mondo.
Klimato |
Okcidenta Bengalio havas tropikan klimaton, tio estas tre varma kaj humida somere kaj freŝa vintre. La teritorio estas ĉefe ebena, sed norde estas submontaro de Himalajo. En tiu regiono la distrikto de Darĝiling estas tutmonde fama pro la kultivo de teo. Pri naturo la ŝtato estas fama pro rezervejoj kaj laŭ ĝi nomiĝas la bengala tigro.
Loĝantaro |
Plimulto de la loĝantaro estas bengaloj, kiuj loĝas ankaŭ en la oriente najbara ŝtato Bangladeŝo.
La oficiala lingvo de la provinco estas la bengala, kaj la plej granda religio estas la hinduismo, sed tamen estas granda islama minoritato. La regiono estas konsiderata unu de la plej intelekte viglaj de Barato, sed ankaŭ unu de la plej malriĉaj.
Historio |
Tiu mondo-regiono estis sub hindua kontrolo ekde la 8-a jarcento ĝis la 13-a jarcento, kiam ĝi venis sub kontrolo de Islamo, kiu disvolvis ties ekonomion kaj komercon. La unuaj eŭropanoj alvenis dum la 15-a jarcento. La Brita Kompanio de Orientaj Indioj hejmiĝis fine de la 18-a jarcento.
Poste la tuta Hindio iĝis kolonio de la Brita Imperio. Tiu atingis sendependon post la Dua Mondmilito, kaj tuj pro kvereloj inter hinduoj kaj islamanoj, la lando estis dividita en du partoj -unu por islamanoj kaj alia por hinduoj. En 1947 Bengalio, kiu estis ĝis tiam provinco de Hindio, estis dividita en Okcidenta Bengalio (kiel subŝtato de Barato) kaj Orienta Bengalio (tiam regiono de Pakistano, kaj nuntempe sendependa ŝtato nome Bangladeŝo).
Urboj de Okcidenta Bengalio |
- Asansol
- Baharampuro
- Durgapur
- Jaynagar Majilpur
- Kolkato
- Murŝidabado
- Siliguri
Famuloj de Okcidenta Bengalio |
- Satyajit Ray
- Ravi Shankar
- Rabindranath Tagore
- Amartya Sen
Referencoj |
↑ laŭ la unua eldono de PIV de 1970 nomita Okcidenta Bengalo
Vidu ankaŭ |
- Bengalaj islamanoj
- Bengaloj
| ||||||||||
