Pikatartedoj
 | ||||||||||||
|---|---|---|---|---|---|---|---|---|---|---|---|---|
 Picathartes gymnocephalus | ||||||||||||
Biologia klasado | ||||||||||||
| ||||||||||||
Specioj | ||||||||||||
P. gymnocephalus | ||||||||||||
Aliaj Vikimediaj projektoj | ||||||||||||
La Pikatartedoj (Picathartidae), ankaŭ nomataj „Stilzkorvoj“, estas afrotropisa familio el la ordo de la Paseroformaj birdoj. En tiu familio estas unu genro kun du specioj.
Enhavo
1 Troviĝejoj
2 Rekoniloj
3 Nutrado
4 Generado
5 Specioj
6 Referencoj
Troviĝejoj |
Ambaŭ specioj vivas en la tropikaj pluvarbaroj de Okcidentafriko kaj Centra Afriko. La Picathartes gymnocephalus de Gvineo kaj Sieraleono ĝis Togolando. La Picathartes oreas troviĝas de Kameruno ĝis la norda Niĝerio. En Ganao la Picathartes gymnocephalus staras sub naturprotektado, ĉar la populacio draste malpliiĝis per senarbarigo, kaptado de sovaĝbestoj por bestĝardenoj kaj kolektantoj.
Rekoniloj |
La birdoj disponas pri longa vosto, korvosimila nigra beko, fortaj longaj kruroj kaj piedoj kaj per siaj 38 ĝis 40 centimetroj estas relative grandaj. La plumaro de la Picathartes gymnocephalus estas je la supra flanko malhel- ĝis helgriza, je la malsupra flanko blanka. La kapo estas nuda kaj flava. Karakterizaj estas du nigraj makuloj, unu sur ambaŭ flankoj de la postkapo. Ankaŭ ĉe la Picathartes oreas la supra plumaro estas malhel- ĝis helgriza kaj la kapo nuda. Sed la antaŭa kapo estas helblua kaj la postkapo karminruĝa. Ankaŭ ĉe la Picathartes oreas troviĝas nigraj makuloj je ambaŭ flankoj de la postkapo.
Nutrado |
La Pikatartedoj nutras sin per insektoj. limakoj kaj aliaj senvertebraj bestetoj, kiujn ili serĉoĉasadas saltetante sur la arbargrundo. Fojfoje ili manĝas ankaŭ ranojn kaj musojn.Ĉasante ili saltas ĝis unu metro sen uzo de la flugiloj. Ofte ili sekvas la migrantajn formikojn kaj forvoras la ekfuĝantajn insektojn.
Generado |
Pikatartedoj estas koloniaj kovantoj. Ili konstruas la pelvetoforman neston el koto kaj argilo, fiksante ĝin al la muroj de rokokavoj aŭ sub rokelstaraĵo de rifo. Per plantofibroj kaj gresoj ili fortigas la murojn. La nestinternon ili pufas per plantofibroj kaj gresoj. En la neston ili metas du ovojn, kiujn ili elkovas dum 20 gis 22 tagoj.
Specioj |
Pikatarto Picathartes, Lesson, 1828
Picathartes oreas [1], Reichenow, 1899
Picathartes gymnocephalus, Temminck, 1825)
Referencoj |
↑ Monto-kamerunaj kaj biokaj montarbaroj
