Ptaho
Ptaho
Ptaho estas unu el la plej malnovaj dioj de la egipta mitologio.
Apis, la sankta bovo de Memphis, estis adorata kiel lia enkarniĝo. Li estas konsiderita kiel la edzo de Seĥmeto. Imhotep, la konstruiston de la ŝtupopiramido, oni rigardis kiel unu el la filoj de la dio Ptaho.
Enhavo
1 Reprezentado
2 Religia evoluo
3 Vidu ankaŭ
4 Eksteraj ligiloj
Reprezentado |
Kutime oni prezentas Ptahon kiel mumio en alĝustigita vestaĵo, kun senhara kaj senĉapa kapo. En siaj manoj li tenas bastonon, kiu estas kunmetaĵo el Ansa kruco kaj Vas-sceptro - simboloj de povo kaj forto. Ekde la meza regno li portas rigidan mentonbarbon.
Religia evoluo |
Dum la malnova regno Ptaho kunfandiĝis kun la falkoforma Sokar, alia dio el Memphis, kaj estis nomata Ptaho-Sokar. La multe pli grava kunfandiĝo kun la dio de mortintoj Oziriso evoluis al la dio Ptaho-Sokar-Oziriso, kies bildo ofte troviĝas sur tombaldonaĵoj de privatuloj.
Vidu ankaŭ |
- Nefertumo
Eksteraj ligiloj |
Ptah-Hotep (france)
Ptaho (france)
