Aŭstralia tadorno
 | ||||||||||||||
|---|---|---|---|---|---|---|---|---|---|---|---|---|---|---|
 Aŭstralia tadorno | ||||||||||||||
Biologia klasado | ||||||||||||||
| ||||||||||||||
Dunomo | ||||||||||||||
Tadorna tadornoides (Jardine & Selby, 1828) | ||||||||||||||
Konserva statuso | ||||||||||||||
 Konserva statuso: Malplej zorgiga | ||||||||||||||
Aliaj Vikimediaj projektoj | ||||||||||||||
Ino
Malino
Ino
Tutmonda distribuado
La Aŭstralia tadorno, Tadorna tadornoides, estas tadorno, tio estas membro de grupo de grandaj anserecaj birdoj kiuj estas parto de la birda familio de Anasedoj, kiu enhavas ankaŭ la cignojn, la anserojn kaj la anasojn.
Enhavo
1 Disvastiĝo
2 Aspekto
3 Specio
4 Referencoj
Disvastiĝo |
Tiu estas birdo kiu reproduktiĝas en suda Aŭstralio (sed ne en la plej arida centro) kaj Tasmanio. Dum la sudhemisfera vintro, multaj birdoj moviĝas norden de la reprodukta teritorio. Kiel ĉe aliaj tadornoj, ankaŭ tiu specio havas preferatajn ejojn por plumoŝanĝado, kiaj la Lago George, Novsudkimrio, kie okazas grandaj koncentroj.
Tiu specio estas ĉefe asocia al lagoj en malferma kamparo, kaj reproduktiĝas en arbotruoj, bordotruoj aŭ simile.
Aspekto |
La masklo estas tre nigreca, kun helbruna brusto (oranĝeca kiel ĝenerala koloro de Rusta tadorno), blanka kolumo kaj malhelverda kapo (nigreca de malproksime). Flankoj kaj subaj partoj estas malhelbrunaj. La dorso estas rustecbruna. La ino estas simila, sed havas blankajn ringojn kaj ĉirkaŭokule kaj ĉirkaŭ bekobazo ege kontrastaj kun la malhela kapo kaj kun la nigra beko. Temas pri specio kun malgranda seksa duformismo. Ambaŭ seksoj, kiel plej tadornoj, montras grandajn blankajn flugilmakulojn (flugilkovriloj) ege videblaj dumfluge, sed ankaŭ kiel malgranda marko ripoze. La beko estas nigra. La speguleto estas malhelverda, ankaŭ videbla ripoze aŭ dumnaĝe.
Specio |
Tiu specio estas protektita laŭ la National Parks and Wildlife Act, 1974.
La genra nomo Tadorna devenas el keltaj radikoj kaj signifas "makuleca akvobirdo", simile al la angla "shelduck".[1]
Referencoj |
↑ KEAR, Janet. (2005) Ducks, Geese, and Swans. Oxford University Press, p. 420. ISBN 0 19 861008 4.
- BirdLife International (2004). Tadorna tadornoides. Internacia Ruĝa Listo de Endanĝeritaj Specioj, eldono de 2006. IUCN 2006. Elŝutita 11a Majo 2006. Kriterioj kial tiu specio estas Malplej Zorgiga
| ||||||||||||||||||||
