Futbala Mondpokalo 1990
Monda Ĉampionado de Futbalo 1990 Mondiali di calcio 1990 | |
|---|---|
 | |
Turniraj detaloj | |
Datoj | 8-a de junio - 8-a de julio 1990 |
Teamoj | 24 (el 5 konfederacioj) |
Ejoj | 12 (en 12 urboj) |
Finaj pozicioj | |
Ĉampiono  |  Ok. Germanio (3-a ĉampioneco) |
Dua pozicio  |  Argentino |
Tria pozicio  |  Italio |
Kvara pozicio |  Anglio |
Turniraj statistikoj | |
Matĉoj | 52 |
Goloj | 115 (2,21 matĉe) |
Spektantoj | 2 516 348 (48 391 matĉe) |
Golreĝo(j) | Salvatore Schillaci (6 goloj) |
Plej bona ludisto | Salvatore Schillaci |
La 14-a Vira Futbala Mondpokalo estis ludata en Italio, inter la 8-a de junio kaj la 8-a de julio 1990. Estis la dua fojo ke Italio gastigis la Futbalan Mondpokalon (la unua estis en 1934).
24 teamoj partoprenis en la turniro. Okcidenta Germanio gajnis la pokalon, gajnante 1-0 kontraŭ Argentino en la finalo. Unu el la plej grandaj surprizoj de la turniro estis Kameruno, kiu gajnis 1-0 kontraŭ Argentino en la malferma ludo, kaj poste sukcesis alveni ĝis la kvaron-finaloj, kie ili perdis 3-2 kontraŭ Anglio (sed ili tamen estis gajnantaj ĝis kiam mankis nur ok minutoj al la fino). Estis la unua fojo en la historio ke Afrika teamo alvenis ĝis la kvaron-finalo en la mondpokalo, kaj ĝis nun tiu rezulto neniam estis pli-bonigita.
Ĝenerale, la Mondpokalo de 1990 estas konsiderata unu el la plej tedaj kaj malalt-kvalitaj de la historio. Estis malmultaj amuzaj kaj ekcitaj ludoj, kaj la averaĝa numero da goloj en la matĉoj estis la plej malalta de la historio. Multaj teamoj koncentriĝis ĉefe pri defendado, kaj en la lasta fazo de la turniro multaj matĉoj estis deciditaj pere de serio de penaloj.
Ambaŭ semifinaloj finiĝis kun serio de penaloj. Maradona, la fama Argentina stelulo, estis unu el la plej atendataj futbalistoj de la turniro, sed lia ludado ne estis tiel impona kiel multaj esperis. Unu el la plej imponaj teamoj de la turniro certe estis Italio, kiu gajnis ĉiujn matĉojn ĝis la semifinalo sen enlasi eĉ unu golon. Tamen, en la semifinalo kontraŭ Argentino estis remiso, kaj Argentino gajnis ĉe la penaloj. En la fino, Italio alvenis trie kaj Anglio kvare.
La finalo estis priskribata de multaj komentistoj kiel la plej teda kaj malbon-humora finalo de iu ajn Mondpokalo. Du Argentinaj ludistoj estis forpelitaj, kaj Germanio gajnis nur pro iom dubinda penalo donita al ili naŭ minutojn antaŭ la fino.
La Futbala Mondpokalo |
|---|
Urugvajo 1930 | Italio 1934 | Francio 1938 | Brazilo 1950 | Svisio 1954 | Svedio 1958 | Ĉilio 1962 | Anglio 1966 | Meksiko 1970 | Ok. Germanio 1974 | Argentino 1978 | Hispanio 1982 | Meksiko 1986 | Italio 1990 | Usono 1994 | Francio 1998 | Japanio/Sud-Koreio 2002 | Germanio 2006 | Sudafriko 2010 | Brazilo 2014 | Rusio 2018 |
