Bruna koturno
 | ||||||||||||||
|---|---|---|---|---|---|---|---|---|---|---|---|---|---|---|
 Bruna koturno | ||||||||||||||
Biologia klasado | ||||||||||||||
| ||||||||||||||
Dunomo | ||||||||||||||
Coturnix ypsilophora (Bosc, 1792) | ||||||||||||||
Konserva statuso | ||||||||||||||
 Konserva statuso: Malplej zorgiga | ||||||||||||||
Aliaj Vikimediaj projektoj | ||||||||||||||
Ino
La Bruna koturno (Coturnix ypsilophora), konata ankaŭ kiel Marĉa koturno, estas specio de koturno (el la birda familio de Fazanedoj) troviĝanta en Oceanio.
La Bruna koturno distribuiĝas en agrikulturaj areoj, humidaj herbejoj, arbustaroj kaj fluakvaj humidejoj tra multe de Novgvineo kaj la Malgrandaj Sundoj same kiel en norda, orienta, sudorienta kaj sudokcidenta Aŭstralio kaj Tasmanio, kvankam foresta el aridaj regionoj. Tiu aŭstralazia specio estis enmetita en Fiĝio kaj Novzelando.
Kiel la nomo sugestas, temas pri koturno tre terkolore bruna, pli malhela supre, kun tre fajna strieco tutkorpe kun kombino de nigra, blanka kaj sablokolora. La vizaĝo estas hela kun pli malhelbruna krono kiu havas supre tre fajnan blankan kronostrion. Ankaŭ la iriso estas bruna. La gorĝareo estas hele sablokolora.
Disvastigata kaj komuna en sia granda teritorio, la Bruna koturno estas pritaksata kiel Malplej Zorgiga ĉe la IUCN Ruĝa Listo de Minacataj Specioj.
Referencoj |
- BirdLife International (2004). Coturnix ypsilophora. Internacia Ruĝa Listo de Endanĝeritaj Specioj, eldono de 2006. IUCN 2006. Elŝutita 26a Novembro 2006. Malplej Zorgiga
- Marchant, S.; & Higgins, P.J. (Eds). (1993). Handbook of Australian, New Zealand and Antarctic Birds. Volume 2: Raptors to Lapwings. Oxford University Press: Melbourne. ISBN 0-19-553069-1
Vidu ankaŭ |
- Lofti-montaraj duonarbaroj
Eksteraj ligiloj |
- Birdway - Fotoj de Bruna koturno
- BirdLife Species Factsheet
- IUCN Ruĝa Listo
| ||||||||||||||||||||
