Kdjykuj

NF-Ligo Nouvelle Fédération-Board
Moto	Permesu ludi al ĉiuj popoloj!
Fondaĵo	12-a de decembro 2003
Tipo	Sporta federacio
Sidejo	Narbono, Francio
Membroj	39 membroj [1]
Prezidanto	Christophe Croze
Retejo	www.nf-board.org

La NF-Ligo aŭ (duon) angle NF-Board - eblaj longigoj "Nova Federacia Ligo" (el la franca vortumo Nouvelle Fédération kaj la angla vorto Board), respektive "Ne-FIFA-Ligo" (el la angla vortumo Non-FIFA-Board) - estas asocio internacia el futbalteamoj de regionaj, minoritataj kaj senŝtataj popoloj, kiuj ne membras en la Federacio Internacia de Futbalo Asocia, mallongigata FIFA. Kelkaj el ĉi tiuj teamoj apartenas al teritorioj kies suvereneco ne estas agnoskita internacie, krom Kiribato kaj Monako kiuj ja estas sendependaj landoj. La NF-Ligo estis fondita la 12-an de decembro 2003 kaj sia sidejo troviĝas en Narbono, Francio. La membroj ludas futbalmatĉojn inter si por partopreni la Futbalan Pokalon VIVA, kiu okazis unuafoje de la 19-a ĝis la 25-a de novembro 2006 en Okcitanio kaj la ĉampiono estis la nacia teamo futbala de Sameio.

Nuntempe la NF-Ligo laboras por ke la FIFA helpu ilin pri la organizado kaj matĉoj dum la teamoj akiras sian membrecon en FIFA.

La Futbala asocio de Skanio iĝis membro de NF-Ligo en aprilo 2011.^[2][3]

En sia celo, la ligo konkurencas kun alia alternativa ligo de regionaj naciaj futbalaj asocioj ekster FIFA, nomata ConIFA (akronimo de la angla nomo Confederation of Independent Football Associations, en Esperanto Konfederacio de Sendependaj Futbalaj Asocioj), establita dek jarojn pli poste, en 2013.

Membroj |

La jena estas listo el futbalaj asocioj kiuj membras en NF-Ligo.^[1]

Nacia Teamo	Liga kodo	Membra kategorio	Partoprenoj en la Futbala Pokalo VIVA
Okcidenta Saharo	FA00000	Membro	1 (6-a loko en 2012)
Monaka Princlando	FA00001	Membro	1 (2-a loko en 2006)
Sameio	FA00002	Membro	3 (Ĉampiono en 2006, sidejo kaj 3-a loko en 2008 kaj 3-a en 2009)
Turka Respubliko Norda Kipro	FA00003	Membro	(2-a loko en 2012)
Tibeto	FA00004	Membro	0
Ĉagosoj	FA00005	Membro	0
Zanzibaro	FA00006	Membro	1 (3-a loko en 2012)
Somalilando	FA00007	Membro	0
Ĉeĉenio	FA00008	Membro	0
Suda Malsupra Saksio[4]	FA00009	Membro	0
Saŭĝezo	FA00010	Membro	0
Okcitanio	FA00011	Membro	4 (Sidejo kaj 3-a loko en 2006, 5-a en 2009, 3-a en 2010 kaj 5-a en 2012)
Ciganoj	FA00012	Membro	0
Princlando de Selando	FA00013	Membro	0
Okcidenta Nov-Gvineo	FA00014	Membro	0
Suda Molukio	FA00015	Membro	0
Suda Kameruno	FA00016	Membro	0
Gronlando	FA00017	Membro	0
Kiribato	FA00018	Membro	0
Fiumio	FA00019	Membro	0
Masajoj	FA00020	Membro	0
Paskinsulo	FA00021	Membro	0
Japo	FA00022	Membro	0
Valonio	FA00023	Membro	0
Kazamanco	FA00024	Membro	0
Gozo	FA00025	Membro	2 (6-a en 2009, sidejo kaj 5-a loko en 2010)
Padanio (Norda Italio)	FA00026	Membro	3 (Ĉampiono en 2008, 2009 kaj 2010)
Kurdio	FA00027	Membro	4 (4-a en 2008, 2-a en 2009 kaj 2010, ĉampiono en 2012)
Arameoj	FA00028	Membro	1 (2-a en 2008)
Provenco	FA00029	Membro	4 (5-a en 2009, 4-a en 2010, 6-a en 2010 kaj 4-a en 2012)
Sardio	FA00030	Membro	0
Du Sicilioj (Suda Italio)	FA00031	Provizora membro	1 (4-a en 2010)
Cilento	FA00032	Membro	0
Skanio	FA00033	Provizora membro	0
Raetio	FA00034	Provizora membro	1 (8-a loko en 2012)
Darfuro	FA00035	Provizora membro	1 (9-a loko en 2012)
Kaskadio	FA00036	Provizora membro	0
Frankonio	FA00037	Provizora membro	0
Kozakoj	FA00038	Provizora membro	0
Okcidentaj Indioj	FA00039	Provizora membro	0
Vatikano	FA00040	Provizora membro	0

Esperanta teamo |

Pli detalaj informoj troveblas en la artikolo Futbala matĉo inter la Selektitaro de Esperanto kaj la Armen-devena Argentina Komunumo.

Dum la 99-a UK okazinta en Bonaero, Argentino okazis amika matĉo inter la teamo de la armen-devena komunumo de Argentino kaj la Selektitaro de Esperanto, kiu estis komponita de partoprenintoj de la universala kongreso kiuj mem sinproponis por ludi tiun matĉon.^[5]

La matĉo okazis la la 31-an de julio 2014, je la 20:30 laŭ la argentina horo ĉe la stadiono "Polideportivo Colegiales", ankaŭ okazis trejnada matĉo la 26-an vespere. Ambaŭ teamoj ricevis la pokalojn de "Internacia Amikeco" kaj membriĝis post la matĉo en la CSANF.^[6] La esperanta teamo ankaŭ iĝis membro de la NF-Ligo.

La matĉo estis apogata de la Subsekretario pri Sporto de la Bonaera registaro, la Sudamerika Konsilio pri Novaj Federacioj (CSANF) kaj UEA.^[6]

Filioj kontinentaj |

La NF-Ligo havas unu federacian filion: La Sudamerika Konsilio pri Novaj Federacioj (CSANF), kiu havas nur unu teamon de NF-Ligo (Paskinsulo) kaj aliajn 3 teamojn kiuj ankoraŭ ne apartenas al la NF-Ligo. La CSANF ankaŭ havis rilatojn kun la malaperinta Eŭropa Konsilio pri Novaj Federacioj (CENF).

En 2009 CSANF starigis kontakton kun la ĵus kreita Konsilio Nordamerika kaj Arkta pri Novaj Federacioj (NAANF) kiu reprezentas la naciajn teamojn el Nordameriko, Centra Ameriko, Karibio kaj arkta regiono kiuj ne membras en FIFA.

Rang-ordo de la NF-Ligo |

Vidu ankaŭ |

• FIFA


• Futbala Mondpokalo

Referencoj |

• En tiu ĉi artikolo estas uzita traduko de teksto el la artikolo NF-Board en la hispana Vikipedio.

Eksteraj ligiloj |

• oficiala retejo de la ligo