Sils en Domleschg
| Sils en Domleschg | |
|---|---|
 Blazono de Sils en Domleschg | |
 Sils en Domleschg | |
| Kantono | Grizono |
| Distrikto | Malantaŭa Rejno |
| Komunumaro | Domleschg |
Koordinatoj | 46°42′0″N 9°27′7″O / 46.7°N, 9.45194°O / 46.7; 9.45194 (Sils en Domleschg)Koordinatoj: 46°42′0″N 9°27′7″O / 46.7°N, 9.45194°O / 46.7; 9.45194 (Sils en Domleschg) |
| Nombro de enloĝantoj | 863 |
| Areo | 9,28 km² |
| Alteco | 633 m super marnivelo |
| Poŝtkodo | 7411 |
| Komunumkodo | 3640 |
 Mapo de Sils en Domleschg | |
Enhavo
1 Pri la komunumo
2 Geografio
3 Najbaraj komunumoj
4 Trafiko
5 Historio
6 Vidu ankaŭ
7 Notoj kaj referencoj
8 Eksteraj ligiloj
Pri la komunumo |
Sils en Domleschg (en la germana lingvo Sils im Domleschg, en la romanĉa Seglias) estas komunumo de la komunumaro Domleschg kaj la distrikto Malantaŭa Rejno en Kantono Grizono, Svislando. Ĝi havis 863 loĝantojn je la 31-a de decembro 2009.
Geografio |
Sils en Domleschg situas sude de la alfluo de Albulo al Malantaŭa Rejno. Albulo formas la nordorientan limon de la komunumo, Malantaŭa la okcidentan. Sur la teritorio de la komunumo situas la kvar kasteloj respektive burgruinoj Baldenstein, Campell, Hohen Rätien kaj Ehrenfels. Krom la kernvilaĝo Sils al la komunumo apartenas la vilaĝoj Freihof, Campi kaj Albulo.
Najbaraj komunumoj |
La komunumo Sils en Domleschg limas en nordo al Fürstenau, en nordoriento al Scharans, en oriento al Vaz/Obervaz, en sudoriento al Mutten, en sudo al Zillis-Reischen, en sudokcidento al Rongellen, kaj en okcidento al Thusis.
Trafiko |
Tra Sils pasas la svisa aŭtovojo A13, al kiu la komunumo havas alvetureblecon norde kaj sude de la kernvilaĝo. En sudo pasas la kantona ĉefvojo 417, kiu kondukas de Thusis al Albulopasejo. Tunelo protektas la vilaĝokernon de la trafiko de la kantona ĉefvojo. Sils disponas pri stacidomo ĉe la fama albulolinio de Retia Fervojo, kiu estas monda heredaĵo de UNESKO.
Historio |
La unua dokumenta mencio de Sils en Domleschg datiĝas el la jaro 1149 kiel Sillas. Dum mezepoko Sils en Domleschg apartenis al la Grafoj de Werdenberg, en la jaro 1456 ĝi fariĝis havaĵo de la episkopo de Koiro. En la jaro 1709 la vilaĝanoj sin liberaĉetis de la episkopa feŭdo. Ĝis la administracia reformo de 1851 Sils en Domleschg estis najbararo de la tribunalkomunumo Fürstenau. Ek de tiam ĝi estas komunumo de la komunumaro Domleschg, kiu ĝis 2001 estis parto de la distrikto Heinzenberg kaj ek de tiam de la distrikto Malantaŭa Rejno.
[1]
Vidu ankaŭ |
- Aliaj signifoj de Sils
Notoj kaj referencoj |
↑ Fonto: Jürg Simonett kaj Jürg Rageth: Sils en Domleschg en Historia Leksikono de Svislando (2011-04-28)
Eksteraj ligiloj |
- Oficiala retejo de la komunumo Sils en Domleschg
Sils en Domleschg en la Historia Leksikono de Svislando germane france itale
- Vidu ankaŭ en la Vikimedia Komunejo la kategorion Sils en Domleschg – (Kolekto de bildoj kaj plurmediaj dosieroj)
- Vikifontaro|}}
- La vikipedia komunejo
Komunejo proponas multimediajn dosierojn al temo sub la gloso Sils en Domleschg
| ||||||
