Nebikon
| Nebikon | |
|---|---|
 Blazono de Nebikon | |
 Nebikon | |
| Kantono | Lucerno |
| Distrikto | Willisau |
Koordinatoj | 47°11′33″N 7°58′41″O / 47.1925°N, 7.97806°O / 47.1925; 7.97806 (Nebikon)Koordinatoj: 47°11′33″N 7°58′41″O / 47.1925°N, 7.97806°O / 47.1925; 7.97806 (Nebikon) |
| Nombro de enloĝantoj | 2273 |
| Areo | 3,73 km² |
| Alteco | 487 m super marnivelo |
| Poŝtkodo | 6244 |
| Komunumkodo | 1137 |
 Mapo de Nebikon | |
Enhavo
1 Pri la komunumo
2 Geografio
3 Najbaraj komunumoj
4 Trafiko
5 Historio
6 Notoj kaj referencoj
7 Bildoj
8 Eksteraj ligiloj
Pri la komunumo |
Nebikon estas komunumo en la distrikto Willisau en Kantono Lucerno, Svislando. Ĝi havis 2273 loĝantojn je la 31-a de decembro 2008.
Geografio |
Nebikon situas ĉe la alfluejo de Luthern al Wigger en la transirzono de la Antaŭalpoj al la Svisa Mezlando. Sude la komunumo estas ĉirkaŭita de antaŭalpaj montetoj, kiuj estas tipa por la monteta regiono de la distrikto Willisau. La setlejzono de Nebikon praktike komplete kunkreskis kun tiu de la najbaraj komunumoj Altishofen kaj Dagmersellen.
La teritorio de la komunumo etendiĝas sur areo de 3,73 km², de kiuj 40,1% esas kovritaj de arbaro, 38,2% servas por agrikulturo kaj 20,7% por setlado.[1] La plej alta punkto de la komunumo situas sur alteco de 671 m s.m. sur la monto Santeberg, dum la plej malalta punkto siutas sur alteco de 472 m s.m. ĉe la bordo de la rivero Wigger ĉe la norda komunumlimo.
Najbaraj komunumoj |
La komunumo Nebikon limas en nordoriento al Dagmersellen, en sudoriento al Egolzwil, en sudo al Schötz, en sudokcidento al Ebersecken, kaj en nordokcidento al Altishofen.
Trafiko |
Nebikon disponas pri stacidomo de la grava nord-sudlinio de Svisaj Federaciaj Fervojoj de Olten al Lucerno. La stacidomo de la komunumo estas la nodopunkto de diversaj buslinioj al la ĉirkaŭaj komunumoj.
En la komunumo disbranĉiĝas la kantonaj ĉefvojoj de Dagmersellen al Willisau kaj de Dagmersellen tra Wauwil al Sursee. La plej proksima alveturejo al la svisa aŭtovojo A2 situas sude en Dagmersellen en distanco de nur 3 km.
Historio |
La unua dokumenta mencio de Nebikon datiĝas el la jaro 893 kiel Nevinchova.
Dum mezepoko la vilaĝo apartenis al la Habsburgoj. La vilaĝon administris la Senjoroj de Büttikon. En la jaro 1407 la Grafejo Willisau estis aĉetita de la urbo Lucerno kaj kun ĝi ankaŭ Nebikon fariĝis lucerna. La administrado de la Senjoroj de Büttikon tamen ĉesis nur en la jaro 1415 per la konkero de Argovio fare de la Svisa Ĵurkomunumo. En la jaro 1424 la lucernanoj ankaŭ akiris la malaltan jurisdikcion pri la komunumo. Ĝis la Helveta Revolucio en la jaro 1798 la komunumo estis parto de la voktejo Willisau kaj ek de 1803 ĝi estas komunumo de la distrikto Willisau en Kantono Lucerno.
Notoj kaj referencoj |
↑ Fonto: Profilo de Nebikon en la kantona retejo
Bildoj |
Stacidomo de Nebikon
Fatrabdomo en la centro de Nebikon
Trafikcirklo en Nebikon
Wigger en Nebikon
Eksteraj ligiloj |
- Oficiala retejo de la komunumo Nebikon
- Profilo de la Komunumo Nebikon en la retejo de la kantono
- Nebikon en la Historia Leksikono de Svislando
- Vikifontaro|}}
- La vikipedia komunejo
Komunejo proponas multimediajn dosierojn al temo sub la gloso Nebikon
| ||||||
