Val-de-Ruz
| Val-de-Ruz | |
|---|---|
 | |
Blazono de Val-de-Ruz | |
 | |
Preĝejo de Fontaines, komunumo Val-de-Ruz | |
| Kantono | Neŭŝatelo |
| Distrikto | Val-de-Ruz |
Koordinatoj | 47°2′57″N 6°54′38″O / 47.04917°N, 6.91056°O / 47.04917; 6.91056 (Val-de-Ruz)Koordinatoj: 47°2′57″N 6°54′38″O / 47.04917°N, 6.91056°O / 47.04917; 6.91056 (Val-de-Ruz) |
| Nombro de enloĝantoj | 15564 |
| Areo | 124,26 km² |
| Alteco | 768 m super marnivelo |
| Poŝtkodo | 2037 Montmollin 2043 Boudevilliers 2046 Fontaines 2052 Fontainemelon 2053 Cernier 2054 Chézard-Saint-Martin 2056 Dombresson 2057 Villiers 2058 Le Pâquier 2063 Engollon, Fenin, Vilars, Saules 2065 Savagnier 2206 Les Geneveys-sur-Coffrane 2207 Coffrane 2208 Les Hauts-Geneveys |
| Komunumkodo | 6487 |
 | |
Situa mapo de Val-de-Ruz | |
Val-de-Ruz estas komunumo en la distrikto Val-de-Ruz en Kantono Neŭŝatelo, Svislando. Ĝi havis 15564 loĝantojn je la 31-a de decembro 2012.
Enhavo
1 Geografio
2 Najbaraj komunumoj
3 Trafiko
4 Historio
5 Esperanto-Movado
6 Vidu ankaŭ
7 Notoj kaj referencoj
8 Eksteraj ligiloj
Geografio |
La komunumo Val-de-Ruz situas en la Neŭŝatela Ĵuraso inter Neŭŝatelo kaj La Chaux-de-Fonds. La komunumo konsistas el la vilaĝoj Boudevilliers, Cernier, Chézard-Saint-Martin, Coffrane, Dombresson, Engollon, Fenin-Vilars-Saules, Fontainemelon, Fontaines, Le Pâquier, Les Geneveys-sur-Coffrane, Les Hauts-Geneveys, Montmollin, Savagnier, kaj Villiers.[1]
La teritorio de la komunumo etendiĝas sur areo de 124,26 km², de kiuj 34,1% estas kovritaj de arbaro, 59,1% servas por agrikulturo kaj 6,4% por setlado.
[2]
Najbaraj komunumoj |
La komunumo Val-de-Ruz limas en nordo al Renan (BE), Sonvilier (BE), Saint-Imier (BE) kaj Villeret (BE), en nordoriento Nods (BE) kaj Lignières, en oriento al Enges, en sudoriento al Neŭŝatelo, en sudo al Valangin, Peseux, kaj Corcelles-Cormondrèche, en sudokcidento al Rochefort, en okcidento al Brot-Plamboz kaj La Sagne, kaj en nordokcidento al La Chaux-de-Fonds.
Trafiko |
Tra Val-de-Ruz pasas en oriento la kantona ĉefvojo n-ro 1230 trans la montopasejo Vue-des-Alpes kaj la svisa aŭtovojo A20 de Neŭŝatelo al La Chaux-de-Fonds. Tra la tuta komunumo kondukas la kantonaq vojo 1238 de Valangin al St. Imier kaj krome pluraj flankaj vojoj konektas la diversajn vilaĝojn en la komunumo. La vilaĝoj Les Geneveys-sur-Coffrane kaj Les Hauts-Geneveys disponas pri stacidomoj ĉe la trajnlinio de Svisaj Federaciaj Fervojoj de Neŭŝatelo al La Chaux-de-Fonds. La ceteraj lokoj estas konektitaj per la buslinio de Neŭŝatelo al Viliers al la publika transportreto.
Historio |
La komunumo Val-de-Ruz estis fondita kun efiko de la 1-a de januaro 2013 per kunigo de la ĝis tiam aŭtonomaj komunumoj Boudevilliers, Cernier, Chézard-Saint-Martin, Coffrane, Dombresson, Engollon, Fenin-Vilars-Saules, Fontainemelon, Fontaines, Le Pâquier, Les Geneveys-sur-Coffrane, Les Hauts-Geneveys, Montmollin, Savagnier, kaj Villiers.[3]
Esperanto-Movado |
En oktobro 2012 en Les Geneveys-sur-Coffrane okazis la 5-a Svisa Familia kaj Feria Esperanta Renkontiĝo sub aŭspicio de Svisa Esperanto-Societo. Tiu kunveno nomita SFERO okazis en fericentro Le Louverain 2 km super la vilaĝo Les Geneveys-sur-Coffrane.
Vidu ankaŭ |
- Distrikto Val-de-Ruz
Notoj kaj referencoj |
↑ Fonto: Reta mapo 1:20000 de Swisstopo
↑ Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011 (sumo de la malnovaj partokomunumoj)
↑ Fonto: [URL: http://www.hls-dhs-dss.ch/textes/d/D49953.php Maurice Evard kaj aliaj: Val-de-Ruz en Historia Leksikono de Svislando ()]
Eksteraj ligiloj |
- Oficiala retejo de la komunumo Val-de-Ruz
- Vidu ankaŭ en la Vikimedia Komunejo la kategorion Val-de-Ruz – (Kolekto de bildoj kaj plurmediaj dosieroj)
| ||||||
