Andrusovo (Simferopola distrikto)
Vilaĝo en Aŭtonoma Respubliko Krimeo | ||||
Andrusovo ruse Андрусово ukraine Андрусове krime-tatare Tahta Cami | ||||
 Foto de la vilaĝo | ||||
 | ||||
Apartenas al: | Simferopola distrikto, Dobra komunumo | |||
Koordinatoj: | 44° 54′ N, 34° 11′ O44.89166666666734.1775Koordinatoj: 44° 54′ N, 34° 11′ O | |||
Averaĝa alto super la marnivelo: | ~320 m | |||
Areo: | 0,96 km² | |||
Loĝantaro: | 772 (laŭ 2001) | |||
Poŝtkodoj: | 97576 | |||
Telefonkodo: | +380-652 | |||
Hor-zono: | UTC+3 | |||
Antaŭa nomo: | Taĥta-Ĝami (ĝis 1948) | |||
Oficiala paĝaro nekonata | ||||
| ||||
| ||||
Andrusovo en la Komunejo | ||||
Andrusovo (ruse Андрусово, ukraine Андрусове, krime-tatare Tahta Cami) estas vilaĝo en la Simferopola distrikto de Aŭtonoma Respubliko Krimeo, administre apartenanta al la Dobra komunumo. Laŭ la censo de la jaro 2001 en la vilaĝo loĝis 772 homoj[1]. Antaŭ la jaro 1948 la vilaĝo nomiĝis Taĥta-Ĝami (kio tradukite el la krime-tatara lingvo signifas «ligna moskeo»).
Enhavo
1 Geografio
2 Historio
2.1 Dinamiko de la loĝantaro
3 Nuntempo
4 Referencoj
5 Ligiloj
Geografio |
La vilaĝo troviĝas sur la deklivoj de relative mallarĝa ravineto, formita de la rojo Ĉeŝmeĝi (maldekstra alfluanto de la rivero Salgiro), proksimume 3 kilometrojn sudoriente de Simferopolo apud la aŭtoŝoseo Simferopolo-Aluŝto-Jalto. La plej proksimaj loĝlokoj estas la vilaĝoj Pionersko (oriente), Fersmanovo (norde), Lozovo (nordokcidente) kaj Teplo (kiu situas okcidente, iom pli supre laŭ la fluo de la rojo Ĉeŝmeĝi).
Historio |
Oni opinias, ke la vilaĝo aperis en la 15a jarcento[2].
La unua skriba mencio pri la vilaĝo (sub la nomoj Toĥta-Ĝami) aperis en la jaro 1784. Probablas, ke baldaŭ post la anekso de Krimeo fare de la Rusia Imperio la loĝantaro elmigris en Turkion, ĉar la krimeaj statistikaj fontoj de la jaro 1805 neniel mencias tiun ĉi vilaĝon. Nur en la jaro 1887 la statistikaj informoj mencias, ke la vilaĝo (menciita kiel Taĥta-Ĝami) estas loĝata de 84 loĝantoj kaj konsistas el 12 kortoj[3].
Post la Oktobra revolucio la loĝantaro de la vilaĝo laboris en la kreita kolĥozo «Probuĵdenije» (tradukite el la rusa — «Vekiĝo»)[2].
En la jaro 1948 per la ukazo de la Prezidio de la supera konsilio de RSFSR la nomo de la vilaĝo estis ŝanĝita al Andrusovo[4] (omaĝe al rusa geologo, akademiano Nikolaj Ivanoviĉ Andrusov, vivojaroj 1861–1924, kiu faris sciencajn esplorojn en Krimeo kaj dum ioma tempo laboris en la Taŭrida universitato).
En la 1990aj jaroj la loĝantaro de la vilaĝo rimarkinde kreskis pro la reveno de la deportitaj krime-tataroj en Krimeon (nun ili konsistigas la plimulton de la vilaĝa loĝantaro).
Dinamiko de la loĝantaro |
- 1887 — 84 homoj
- 1926 — 289 homoj
- 1939 — 266 homoj
- 1989 — 201 homoj
- 2001 — 772 homoj
Nuntempo |
Laŭ la tutukrainia censo de la jaro 2001 en la vilaĝo loĝis 772 homoj[1] (la pli ĝisdataj pritaksoj de la jaro 2009 mencias 801 homojn[2]). La vilaĝo havas areon de 95,6 hektaroj kaj konsistas el 142 kortoj.
La loĝantaro de la vilaĝo okupiĝas ĉefe pri agrikulturo; apud la vilaĝo multas kultivataj kampoj, okupitaj de aromaj herboj (lavendo ks.).
En la vilaĝo estas tri vendejoj, kafejo, benzinejo[2].
Referencoj |
- ↑ 1,01,1Oficialaj informoj pri Andrusovo en la paĝaro de la ukrainia parlamento (ukraine). rada.gov.ua. Alirita 2013-09-25.
- ↑ 2,02,12,22,3Urboj kaj vilaĝoj de Ukrainio — Krimeo — Dobra komunumo (ruse). who-is-who.ua. Alirita 2013-09-25.
↑ Memorlibro de la Taŭrida gubernio (1889) (vd. aldonaĵon «Alfabeta listo de la vilaĝoj kaj loĝloketoj» fine de la dokumento) ruse Alirita 2013-09-25
↑ La teksto de la ukazo de la supera konsilio de RSFSR (ruse). sevdig.sevastopol.ws. Alirita 2013-09-25.
Ligiloj |
Oficialaj informoj pri Andrusovo en la paĝaro de la ukrainia parlamento (ukraine). rada.gov.ua. Alirita 2013-09-25.
Urboj kaj vilaĝoj de Ukrainio — Krimeo — Dobra komunumo (ruse). who-is-who.ua. Alirita 2013-09-25.
La loĝlokoj de la Simferopola distrikto | |||
|---|---|---|---|
Urbotipaj loĝlokoj | Gvardejsko • | ||
Vilaĝoj: | Akropolo • | ||
Loĝloketoj | Ajkavano • | ||
