Cernier
| Cernier | |
|---|---|
 | |
Blazono de Cernier | |
| Kantono | Neŭŝatelo |
| Komunumo(j) | Val-de-Ruz |
Koordinatoj | 47°3′40″N 6°54′5″O / 47.06111°N, 6.90139°O / 47.06111; 6.90139 (Cernier)Koordinatoj: 47°3′40″N 6°54′5″O / 47.06111°N, 6.90139°O / 47.06111; 6.90139 (Cernier) |
| Nombro de enloĝantoj | 2222 |
| Areo | 9,11 km² |
| Alteco | 820 m super marnivelo |
| Poŝtkodo | 2053 |
 | |
Mapo de Cernier | |
Cernier estis ĝis la 31-a de decembro komunumo en la distrikto Val-de-Ruz en Kantono Neŭŝatelo, Svislando. Kun efiko de la 1-a de januaro 2013 la ĝis tiam aŭtonomaj komunumoj Boudevilliers, Cernier, Chézard-Saint-Martin, Coffrane, Dombresson, Engollon, Fenin-Vilars-Saules, Fontainemelon, Fontaines, Le Pâquier, Les Geneveys-sur-Coffrane, Les Hauts-Geneveys, Montmollin, Savagnier, kaj Villiers estis kunigitaj al la nova komunumo Val-de-Ruz. Cernier havis 2222 loĝantojn je la 31-a de decembro 2010. Ĝi estas la ĉefloko de la Distrikto Val-de-Ruz.
Enhavo
1 Geografio
2 Najbaraj komunumoj
3 Trafiko
4 Historio
5 Notoj kaj referencoj
6 Eksteraj ligiloj
Geografio |
Cernier situas en la Neŭŝatela Ĵuraso 8 kilometrojn norde de la kantonĉefurbo Neŭŝatelo sur alteco de 820 m s.m. La plej alta punkto de la komunumo situas sur alteco de 1410 m s.m. sur la kresto de Mont d'Amin. La norda limo de la komunumo sur la kresto de L'Envers des Convers, kiu atingas altecon de ĝis 1231 m s.m., estas samtempe la kantona limo inter Berno kaj Neŭŝatelo. Al la komunumo apartenas la vilaĝo Cernier, la vilaĝeto Montagne de Cernier sur alteco de 1190 m s.m. sur teraso de la suda deklivo de Mont d'Amin, kaj diversaj izolitaj bienoj.
La teritorio de la komunumo etendiĝas sur areo de 9,11 km², de kiuj 37,8% estas kovritaj de arbaro, 54,7% servas por agrikulturo kaj 7,5% por setlado.
[1]
Najbaraj komunumoj |
La komunumo Cernier limas en nordo al Renan (BE), en oriento al Chézard-Saint-Martin, en sudoriento al Engollon, en sudo al Fontaines, en okcidento al Fontainemelon, kaj en nordokcidento al la eksklavo Vue-des-Alpes de la komunumo Fontaines.
Trafiko |
La komunumo situas flanke de la gravaj trafikvojoj. Tra Cernier pasas la vojo n-ro 2372 de Boudevilliers al Villiers tra la Valo de Ruz kaj ekzistas vojo konekta al Fontainemellon, kie troviĝas alveturejo al la svisa aŭtovojo n-ro 20 en distanco de proksimume 2 kilometroj okcidente de la vilaĝocentro de Cernier. Per la buslinioj de Villiers al Neŭŝatelo kaj linio al Les Hauts-Geneveys la komunumo estas konektita al la publika transportreto.
Historio |
La unua dokumenta mencio de Cernier datiĝas el la jaro 1324 kiel Cernies. Dum mezepoko Cernier apartenis al la Senjorujo kaj poste al la Majorujo Valangin. [2] Kun efiko de la 1-a de januaro 2013 Cernier kun 14 aliaj komunumoj de la distrikto kuniĝos al la nova komunumo Val-de-Ruz.
Notoj kaj referencoj |
↑ Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
↑ Fonto: Maurice Evard: Cernier en Historia Leksikono de Svislando (2005-02-16)
Eksteraj ligiloj |
- Oficiala retejo de la komunumo Cernier
Cernier en la Historia Leksikono de Svislando germane france itale
- Vidu ankaŭ en la Vikimedia Komunejo la kategorion Cernier – (Kolekto de bildoj kaj plurmediaj dosieroj)
| ||||||
