Observatorioj Tenagra
Asteroidoj malkovritaj : 112, el kiuj | ||
|---|---|---|
| 48047 Houghten | 22-a de februaro 2001 | Tenagra II |
| 51430 Ireneclaire | 20-a de marto 2001 | |
| 70401 Davidbishop | 13-a de septembro 1999 | Tenagra I |
| 149968 Trondal | 11-a de oktobro 2005 | Tenagra II |
La Observatorioj Tenagra, kreitaj de la usona amatora astronomo Michael Schwartz, formas reton da astronomiaj observatorioj disdonitaj en diversaj partoj de la mondo. La teleskopoj ekspluatitaj de observantoj estas plene aŭtomatigitaj kaj administrataj per lupreno far de la uzantoj kiuj ekspluatas horojn da observado tra Interreto.
La reto iom post iom pilgrandiĝis dum jaroj. Komence, estis du instalaĵoj en Usono, unu en Cottage Grove (Oregono), kiu malfermiĝis en 1999, kaj unu en Nogales (Arizono) inaŭgurita en 2000. Poste, aliaj observaj stacioj estis aldonitaj en Norvegio kaj Aŭstralio.
Ilia MPC kodo estas 848 por la observatorio Tenagra I (Cottage Grove) kaj 926 por la observatorio Tenagra II (Nogales).[1].
La nomo Tenagra referas al fikcia insulo, kiu aperas en epizodo de " Stela Vojaĝo: La Sekva Generacio ", kie du malamikoj lernas vivi kune.
La observantoj, kiuj uzis la reton estas kreditataj far'de Minor Planet Center de la malkovro aǔ kunmalkovro de 112 asteroidoj inter 1999 kaj 2013[2] sub la nomoj " Tenagra " aŭ " Tenagra II ".
De tiam, la observatorio malkovris multenombrajn supernovaojn, variantan stelon, gamo-radian ekbrilon kaj kometoj, inter kiuj P/2012 TK8 Tenagra, C/2013 C2 Tenagra, P/2013 EW90 Tenagra, C/2013 G9 Tenagra kaj C/2014 F2 Tenagra.
La asteroido 155142 Tenagra estis nomita laŭ la reto da observatorioj kaj laŭ la fikcia insulo de Star Trek.[3]
Notoj kaj referencoj |
↑ Kodoj de la Observatorioj (Minor Planet Center)
↑ MPC alfabeta listo de asteroidaj malkovrintoj (angle)
↑ JPL Small-Body Database Browser 155142 Tenagra (2005 UD4) (angle)
Eksteraj ligiloj |
angle Observatorioj Tenagra : Observa stacio de IAWN en Arizono, el la paĝaro de International Asteroid Warning Network
angle Ŝtuparo al Ĉielo : la Virtuala Teleskopo kaj la Observatorioj Tenagra
En tiu ĉi artikolo estas uzita traduko de teksto el la artikolo Observatoires Tenagra en la franca Vikipedio.
