Haut-Intyamon
| Haut-Intyamon | |
|---|---|
 | |
Blazono de Haut-Intyamon | |
 | |
Albeuve, komunumo Haut-Intyamon | |
| Kantono | Friburgo |
| Distrikto | Grejerco |
Koordinatoj | 46°31′1″N 7°3′22″O / 46.51694°N, 7.05611°O / 46.51694; 7.05611 (Haut-Intyamon)Koordinatoj: 46°31′1″N 7°3′22″O / 46.51694°N, 7.05611°O / 46.51694; 7.05611 (Haut-Intyamon) |
| Nombro de enloĝantoj | 1412 |
| Areo | 60,45 km² |
| Alteco | 763 m super marnivelo |
| Poŝtkodo | 1669 |
| Komunumkodo | 2121 |
 | |
Mapo de Haut-Intyamon | |
Haut-Intyamon estas urbo kaj komunumo en la distrikto Grejerco en Kantono Friburgo, Svislando. Ĝi havis 1412 loĝantojn je la 31-a de decembro 2010. La ĉefloko de la komunumo estas Albeuve.
Enhavo
1 Geografio
2 Najbaraj komunumoj
3 Trafiko
4 Historio
5 Notoj kaj referencoj
6 Eksteraj ligiloj
7 Bildoj
Geografio |
Haut-Intyamon situas en la Friburgaj Antaŭalpoj en la supra parto de la Valo de Intyamon, kiun trafluas la rivero Sarino, proksimume 12 kilometrojn sude de la urbo Bulle. La plej alta punkto de la komunumo estas la montopinto Pra de Cray (kun alteco de 2090 m s.m.). La komunumo konsistas el la vilaĝoj Neirivue (sur alteco de 754 m s.m.), Albeuve (sur alteco de 769 m s.m.), Lessoc (sur alteco de 812 m s.m.) kaj Montbovon (sur alteco de 797 m s.m.), kaj la vilaĝetoj Le Bu (sur alteco de 823 m s.m.), Les Sciernes d'Albeuve (sur alteco de 900 m s.m.), Comba d'Avau (sur alteco de 807 m s.m.) kaj Comba d'Amont (sur alteco de 840 m s.m.), Vers les Moret (sur alteco de 821 m s.m.) kaj Vers les Pichon (sur alteco de 870 m s.m.), kaj diversaj izolitaj bienoj kaj alpopaŝtejoj.[1]
La teritorio de la komunumo etendiĝas sur areo de 60,45 km², de kiuj 37,9% estas kovritaj de arbaro, 49,3% servas por agrikulturo kaj 2,5% por setlado.
[2]
Najbaraj komunumoj |
La komunumo Haut-Intyamon limas en nordo al Grejerco, en nordnordoriento al Bas-Intyamon, en nordoriento al Grandvillard, en sudoriento al Château d'Oex (VD), en sudsudoriento al Rossinière (VD), en sudo al Veytaux (VD), en sudsudokcidento al Montreux (VD), en sudokcidento al Blonay (VD), en okcidento al Châtel-Saint-Denis, kaj en nordokcidento al Semsales.
Trafiko |
Tra la komunumo pasas la kantona ĉefvojo n-ro 190 de Bulle al Château d'Oex. La plej proksimaj aŭtovojalveturejoj situas norde apud Bulle en distanco de 12 km al la svisa aŭtovojo A12 kaj sude en Montreux en distanco de proksimume 8 kilometroj al la svisa aŭtovojo A9. Per la trajnlinio de Bulle al Montbovon la komunumo estas konektita al la publika transportreto. Tra Montbovon pasas krome la etspura Montreux-Berna-Oberlando-Fervojo de Montreux al Saanen.
Historio |
La komunumo Haut-Intyamon estis fondita kun efiko de la 1-a de januaro de 2002 per kunigo de la ĝi tiam aŭtonomaj komunumoj Albeuve, Lessoc, Montbovon kaj Neirivue.[3]
La unua dokumenta mencio de Montbovon datiĝas el la jaro 1255 kiel Montebovonis. Same kiel la ceteraj vilaĝoj de la valo de Intyamon al la Graflando Grejerco, kiu post la bankrotiĝo de la grafoj en la jaro 1555 fariĝis havaĵo de la urba ŝtato Friburgo kaj ties voktejo kaj post la Helveta Revolucio de 1798 distrikto de Kantono Friburgo.[4]
Notoj kaj referencoj |
↑ Fonto: Reta mapo 1:20000 de Swisstopo
↑ Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
↑ Fonto: Marcel Muller: Haut-Intyamon en Historia Leksikono de Svislando (2007-11-29)
↑ Fonto: Marianne Rolle: Montbovon en Historia Leksikono de Svislando (2009-11-17)
Eksteraj ligiloj |
- Oficiala retejo de la komunumo Haut-Intyamon
- Vidu ankaŭ en la Vikimedia Komunejo la kategorion Haut-Intyamon – (Kolekto de bildoj kaj plurmediaj dosieroj)
Bildoj |
La stacidomo de Montbovon
La preĝejo de Lessoc
| ||||||
