Kdjykuj

Anenská Studánka
germane: Königsfeld
vilaĝo
Parko sur vilaĝplaco
Flago Blazono
Oficiala nomo: Anenská Studánka
Ŝtato	Ĉeĥio
Regiono	Regiono Pardubice
Distrikto	Distrikto Ústí nad Orlicí
Administra municipo	Lanškroun
Historia regiono	Bohemio
Situo	Anenská Studánka
- alteco	490 m s. m.
- koordinatoj	49°50′59″N 16°32′25″E  /  49.84972°N, 16.54028°O / 49.84972; 16.54028 (Anenská Studánka)
Areo	7,91 km² (791 ha)
Loĝantaro	200 (01.01.2013)
Denseco	25,28 loĝ./km²
Unua skribmencio	1292
Horzono	MET (UTC+1)
- somera tempo	MET (UTC+2)
Poŝtkodo	561 23
NUTS 3	CZ053
NUTS 4	CZ0534
NUTS 5	CZ0534 573426
Katastraj teritorioj	2
Partoj de vilaĝo	2
Bazaj sidejunuoj	2
Situo enkadre de Ĉeĥio
Vikimedia Komunejo: Anenská Studánka
Retpaĝo: www.anenskastudanka.asc.cz
Portalo pri Ĉeĥio

Vilaĝo Annenská Studánka situas en Ĉeĥio, regiono Pardubice, en suda elstaraĵo de distrikto Ústí nad Orlicí, 11 km sudokcidente de la urbo Lanškroun, 11 km sudoriente de la urbo Česká Třebová kaj 16 km norde de la urbo Svitavy. La vilaĝo situas ĉe la ŝoseo el Třebovice al Damníkov kaj apud la vilaĝo estas fervoja haltejo sur linio Třebovice - Moravská Třebová.

Al la komunumo apartenas vilaĝoj:

• Anenská Studánka


• Helvíkov

Historio |

La unua skriba mencio pri vilaĝo Anenská Studánka, tiam nomata Kunžvald, estas el la jaro 1292, kiam ĝi apartenis al la monaĥejo Zbraslav. Pli poste, en la jaro 1356, tuta sinjorejo Lanškroun, al kiu la vilaĝo apartenis, fariĝis havaĵo de la episkopejo Litomyšl, poste ĝi estis havaĵo de familiaro Kostka el Postupice, sekve de Pernštejnoj kaj de Adam Hrzán el Harasov kaj post batalo apud Prago de Karel el Lichtenstein. Al tiu familiaro la sinjorejo apartenis ĝis nuligo de patrimonia reĝimo en la jaro 1850. En la jaro 1678 estis ĉe fonto de kuraca akvo sub la vilaĝo fondita banejo kaj en la jaro 1735 ĉi tie konstruigis posedantoj de la sinjorejo Lanškroun, Lichtenŝteinoj, kuracejan domon. Nuntempe estas en ĝi Instituto
por mense handikapitaj homoj. En la baneja areo estis en la duono de 19-a jarcento konstruita kapelo de Sankta Maria Helpantino, kiu estas ankaŭ pilgrimejo.

Memorindaĵoj |

Preĝejo |

Dominanto de la vilaĝo estas preĝejo de Sankta Laŭrenco, konstruita en la jaro 1907 sur loko de estinta preĝejo el la jaro 1607. Ekipaĵo de la preĝejo estas nuntempa. Sur flankaj altaroj estas statuaro Kalvario kaj statuoj de Sankta Laŭrenco kaj Sankta Bartolomeo el la dua duono de 18-a jarcento. Valora estas statuo de Madono el la komenco de 16-a jarcento.

Krucifikso |

Ĉe la preĝejo troviĝas ŝtona krucifikso sur soklo kun figura reliefo, datita 1776.

Mastruma korto |

Mastruma korto vidalvide al preĝejo estas duobla domo, meze kun pordego, super kiu estas jarnumero 1864. En gablo de la loĝdomo estas niĉo kun statuo de Sankta Floriano.

Kapelo |

Kapelo de Sankta Maria Helpantino super la kuracfontejo estas simpla oblonga konstruaĵo kun neornamita fronta pinjono kaj malferma antaŭĉambro kun forĝita rozvilina krado. En la antaŭĉambro estas valora malfrubaroka statuaro de Madono, datita 1738. En amaso da nuboj flugas anĝeloj portantaj sidantan statuon de Sankta Maria kun Jezuinfano. Apude estas Sankta Johano Nepomuka kaj surgenuanta diakono. Sur altaro en la kapelo estas bildo de J. Umlauf en rokoka kadro.

Kapelo en Helvíkov |

Meze de la vilaĝo estas tombejo kun kapelo de Ĉielenpreno de Sankta Maria el la jaro 1752. Ĝi estas baroka, oblonga kun duoncirkla fermo, volbita barele kun segmentoj kaj konĥo.

Krucifikso en Helvíkov |

Antaŭ la kapelo estas ŝtona krucifikso sur soklo kun figura reliefo. Datita ĝi estas 1800.

Bibliografio |

• Marek Podhorský: Pardubický kraj. Eldonis freytag & berndt, eldonejo en Prago en j. 2004.


• Dr. E. Poche, DrSc. a kol. – Umělecké památky Čech. Eldonis Akademia en Prago en j. 1978.