Kdjykuj

Magyar Hírlap [madjar hi:rlap ~ Hungara Novaĵgazeto] estas hungara ĵurnalo, lastfoje aperata ekde 1968.

Kun la nomo Magyar Hírlap aperis kvarfoje kiel gazeto. Unuafoje aperis ĝi inter 1849-52 kiel duonoficiala gazeto de la Bach-registaro. Inter 1877-79 ĝi estis registarfidela politika gazeto, inter 1891-1926 liberala politika gazeto.

La kvara Magyar Hírlap aperis la 16-an de majo 1968. Ĝi aperis tiam eĉ en lundo, kiam alia gazeto ne. Ĝi aperis ekde fino de 1987 kiel oficiala gazeto de la ministrokonsilo. Ekde novembro de 1989 ĝi aperis kiel sendependa gazeto, en februaro de 1990 aĉetis ĝin firmao de Robert Maxwell. Tiu investo ebligis modernigon kaj translokiĝon de la redaktejo. Post la morto de Robert Maxwell, la Arthur Andersen librotenad-kontrola entrepreno vendis akcian plimulton de Magyar Hírlap (aprilo de 1992) al svisa Jürg Marquard. Ekde 1-a de oktobro de 2000 posedis la gazeton la svisa Ringier Verlag, sed la planoj ne sukcesis, tial anoncis la entrepreno en 2004, ke ĝi ne plu eldonas la gazeton. La plimulton de la gazeto aĉetis hungara miliardulo Gábor Széles, kiu volas iomete dekstreman gazeton, tiel li dungis en aprilo de 2006 kiel vic-ĉefredaktoron Pál Dippold de la dekstra Magyar Nemzet.

Ĉefredaktoroj estis |

• István Darvasi (1968-84),


• Zsolt Bajnok (1984-90),


• Péter Németh (1990-94),


• Mátyás Vince (1994-96),


• Ferenc Gazsó L. (1996-98),


• Ilona Kocsi (1998-2003),


• Pál Szombathy (2003-2006),


• Ferenc Gazsó L. (2006-)

Eksteraj ligiloj |

• oficiala paĝo